[لولو اليبناوية]

طيب يا لولو
انا هاكون منيح معك
هاسالك اكم سؤال خفاف هيك

منور قسامي

اتفضل

1_طبعا شو رايك بقسامي غزة
2_شو الانتقادات الي بتوجهيها لقسامي وبصراحة

قسامي انتا بشوف فيك شي مميز..

انك صريح وواضح...الي قلبك علسانك

صادق ....وملتزم..وطيب

اما ..... الانتقادات..

مفيش شي ببالي عليك والله

3_ ايش في شغلة ما بتعجبك بالمنتدي او بالاعضاء

والله يا قسامي...

بما انو المنتدى حياتي كلها والاعضاء دايما ببالي...

في شي بخوفني...( شخصياتهم )

بشكل عام...

يعني ممكن بتخيل انو في شخصيات متصنعة وهمية بالمنتدى

وهية بالحقيقة غير هيك...بجد..بيجيني احباط من هالناحية

بس برضو بذكر نفسي بالعالم الي شفتها منيحة بالمنتدى...

ولما صاحبتها...وصار بيننا اتصال اكتر..:

واتبين انها شخصية مش متصنعة...برجع بتفائل

4_ شو اكتر اكلة بتحبيها

انا بحب الورق عنب - فطير السبانخ المشلتت - الملوخية...اخضر x اخضر

5- شو اكتر موقف محرج تعرضتي اله واكتر موقف حزنتي فيه

والله كتييييييير مواقف محرجة..بس الي هلأ ببالي..

اول ما اخدت الليسن...كنت طبعا جديدة...اخد حنووو معاي

والعب عليها الدبكة بهالسيارة...كل المواقف التحفة صارت معها

اجيت بدي اوقف عالدكانة بالسيارة ...وكانو اولاد قاعدين عندها

رحت ركبت عالرصيف...هههههههههههههههههههه

اوف طبعا...طلع طرف السيارة عالرصيف ونزل..

وانا عطوووووووووول اسرعت وهربت...

عشان الولاد ما يعرفو مين صاحبة العملة السودا هاي

......اكتر موقف حززنني...موت بنت اخوي الزغيرة..وموت ستي ..حزنت عبابا..

6_ بتتقاتلي انتي وميمي دايما ولا صحاب

هههههههه والله لسة امبارح اتقاتلت معاها.....بس يعني بشكل عام نص صحاب

7_شو موقف صار معك وانتي بفلسطين بيبنا تحديدا

والله انا كنت صف خامس يا قسامي...يعني كلو طفولة ولعب ما في شي معين

بس اه ....اكتر موقف صار فيه اكشن...مرة كنت العب عند الدكانة..ومعي هاد الفلين الابيض

الي بتنتور...فصرت انا انتورو بالشارع

اجا ولد زنخ ودفش ودمو تقيل قدي قدو....صار عاد يتفلسف علي...ويقلي ما تنتوري بالفليين

( عاد هوا مش يعني نضافة زايدة لأ بس هيك الله وكيلك عفريت...)

قلتلو انتا ما حشرك وما بعرف شو وصارت بيننا مشادة بالكلام...

..........ومرة كنت طالعة السطح...نازلة اتأمل بالدنيا....بطلع عالسما...عالشبابيك

الا ايـــه.....فجأة.....شفتلك شعر منكوووووش بطللك من الشباك.....ووجهو مفحمم...

يماما انا هيك قلبي دب...قلت يااااااه شفت جني...جني بحالو...

وهيك خلص بدو يغمى علي


....هههههههههههههههههههههه بالخير اطلّعت منيح.

طلع اصيص زرع طالع منو شجرة عالشباك محطوط

8_ احكيلنا عن نفسك بسطرين

هههه...انا فرفوشة المنتدى

هادية..غلبانة

خجولة...مش اجتماعية كتير ^^

صادقة...مش لئيمة ....

9_ بدي تصوري بيتكم من جوا ومن برا وخاصة المطبخ

:wacko: بيني وبينك...هلأ حسيت فيك...لما كنت تستصعب شغلة الصور

طيب راح احاول والله ان شاء الله..بس ازا ما اقدرت...

ابقى بدلهم بصور عن اشياء تانية ههههه

10_ شو هوا موقفك بالحياة

اكون انسانة ناجحة بالدنيا وبالاخرة

يلا جاوبيهم ولي رجعة تانية وتالتة ورابعة

درب الوداود الي يعاود