[قسامي غزة]

المشاركة الأصلية كتبت بواسطة AnGeLa عـــــــــــدنـــــــــــا

هههههههههههههههه

حـلو هــداك الموقف التــاني . . اللـــــــهم لا شمــاتة

ممممممممم

نـرجع نســـــــأل

بتتفــرج ع التلـفزيون ؟ وشو ياللي بتتفـرج عليــه ؟؟ اعتــرف :P

كم مرة كـزبت ؟

كم عمرك صحيح ؟؟؟

عمرك عملت مشكلة مع دكتور جامعة ؟

شو اكتر شي عـاجبك بالمنتــدى ؟؟؟

شو اكتر مرحـلة حبيتهــا بحيـاتك ؟؟؟

وشو احلى عندك الايام ياللي راحت ولا هاي الايـام ؟؟

ههههههههههههههههههههههههههههههههههه هه

خلص تــوبة آخر مرة بفوت الموضوع :P

ويلا جــــــاااااوب

ههههههههههههههههههه
صدقتي موقف التاني حلو ومحرج جدا جدا جدا
يلا نبدا نجاوب علي اسئلتك
1_ بالنسبة للتلفزيون اكيد بتفرج عليه بس قليل جدا يعني ممكن الاخبار او شي من هذا القبيل وما بكزب عليكم بحب احضر كونان كتير وبات مان بقعد اتفرج مع الصغار الي عنا بالبيت ههههههه بس بالنسبة للمسلسلات او الافلام والاغاني من وانا صغير ما بحب الشغلات هاي وهاد هوا الصدق ههههه

2_ كم مرة كزبت يعني انا كل مرة بدي اقعد اعد في عدد كزباتي بس وانا يعني بفترة الثانوية كنت بكزب بس الحين يعني قليل جدا او حتي نادر لانوا الواحد صار فهمان ويعرف الصح من الغلط واذا الكزب بنجي فالصدق انجي هاد قاعدتي

3_ بالنسبة لعمري انا عمري يا ستي واحد وعشرين سنة واربع شهور وعشرة ايام

4_ بالنسبة للمشاكل مع الدكاترة يعني ما كنت اعمل معهم كتير بس احيانا كانت تصير مناوشات وهاحكي علي موقف صار معي هاد ما بنساه
طبعا قبل اليهود ما يطلعوا من غزة كان قطاع غزة مقسم الي قسمين الجنوب والشمال وانا من سكان مدينة رفح والجامعة كانت بغزة وكان حاجر ابو هولي في المنتصف فكنت احيانا يكون مسكر وارجع علي البيت تاني وما اروح الجامعة مع اني بكون قايم من الصبح زي الشطار بس كنت ارجع انام
وهاد في يوم كنت رايح الجامعة وكان الجو شتاء ومطر وطبعا الارض كانت علي الحاجز طينية وما معقول تقعد بالباص 4 ساعات كنت اطلع اقعد برا المهم ملابسي اتبهدلوا علي الاخر وكنت ضروري اروح الجامعة لانها كانت فترة امتحانات وقعدت علي الحاجز حوالي 4 ساعات وكان في دكتور يدرسني ما عنده تفاهم اي واحد يدخل المحاضره بعده ممنوع اي واحد يرن جواله بالمحاضرة يطلع برا لوحده والشباب كانوا يخافوا منه المهم انا حظي وصلت الجامعة وكان رايح من المحاضرة بتعته 40 دقيقة المحاضرة كانت ساعة ونصف الحين شو اروح نص المحاضرة رايحة المهم كان شكلي امبهدل علي الاخر المهم قلت والله لروح وفتحت الباب والكل يطلع فيه الحين هوا بدو يحكي قبل ما يحكي قلت اله الي 4 ساعات علي الحاجز وقرفت حالي وهيك شايف منظري طبعا بصوت اعلي من معدله الطبيعي لانه كنت قرفان من الحاجز وسكت شوية وقلي انا ما حكيت معك يا ابني الله يعينك روح غسل بنطلونك وتعال انا ما حكيت معك شي
انا عملت زي المثل الي بيقول تغدي بيه قبل لا يتعشي بيك ههههه

4_ اكتر شي عاجيني بالمنتدي هوا حب الاعضاء لبعضهم البعض ونعتبر انفسنا مثل الاخوة والكل يقف مع التاني كانها اسرة بجد وكتير عجبتني الاعضاء يتعرفوا علي بعض مثلا شفت محمود ونشات ورفعت وابو معاذ وابو مهند وكنت سعيد بالتعرف عليهم غير الي بحكي معهم علي المسنجر

5_ اكتر مرحلة حبيتها بحياتي هيه مرحلة الاعدادية حبيتها كتير المرحلة هاد لانها كانت مرحلة فيصلية بحياتي
6_ طبعا الايام الي راحت حلوووة كتييير واتمني انها ترجع
بس الله يعلم يمكن تكون الايام الي جاية احلي ما حد يعرف بالمستقبل


واخيرا خلاص حرام عليكي هرتيني اسئلة بكفي هههههه
لا بمزح انا سعيد جدا اني بجاوب علي اسئلتكم واي سؤال تاني انا مستعد
وتعالي تاني