جاني الخبر ياصاحبي وأظلم الكون * * قدام عيني ثـم نطقـت الشهـادة
على العموم اقولها الـف مليـون * * مبروك من قلب شكالـك أبعـادة
مبروك لايهمك سواليف وظنـون * * من عاشق يهديك فرحـة فـؤادة
سو الفرح اليوم وابليـس ملعـون * * واللي يشب النـار يجنـي رمـادة
انا اول العالم على القصر يلفـون * * أول معازيـم الفـرح والـحـدادة
أبشر أنا برقص فعرسك بالهـون * * كـل يعبـر فرحتـه بأجتـهـادة
والبلا رقصـي يقولـون مزيـون * * المشكلـة القلـب يفـضـح ودادة
يوم العذارى في دخولـك يغنـون * * وعروستك باحلى ثواني السعـادة
كنت اتمنـى بدالهـا والله أكـون * * وأحط أنا كفي تحت راسك وسادة
وشلون ابكتم صرختي يوم تمشون * * تكفـى خذنـي للعروسـة قـلادة
حتى معازيم الفرح قامو يمشـون * * اصبحت أنا وحدي بدون استفـادة
وطفو علي النور من غير يدرون * * قصـر الفـرح ياقبـر ومهـادة
وصيتي لو جاتك بنت وأنا أمـون * * سميتهـا لـك قـبـل الــولادة