كلمـات و أشـعار غـنـتـها السيـده فيــروز ...
( كلمات و اشعار غنتها السيده فيروز ) .
...في قهوي على المفرق ....
في قهوي عالمفرق في موقدي و في نار ... نبقى انا و حبيبي نفرشها بالاسرار
جيت لقيت عشاق تنين زغار ... قعدوا على مقاعدنا سرقو منا المشوار
يا ورق الاصفر عـم نـكبر عـم نـكبر ... طرقات البيوت عـم تـكبر عـم تـكبر
و تخلـــص الدنـــي
و ما في غيرك يا وطني بتظلك طفل زغير ... متل السهم الراجع من سفر الزمان
قطعت الشوارع ما ضحكلي انسان ... كل صحابي كبرو و تغير اللي كان
صاروا العمر الماضي ... صاروا دهب النسيان ...............
----------------------------------------------------------------------------------------------------
... حبيبي قال انطريني ...
حبيبي قال انطريني ... عابيادر الصيف و عالحقل سبقيني
حبيبي قال انطريني لما بـيجي الطير ... و بيعشش الطير بالشجره الحزيني
و نطرتك يا حبيبي ورح يطلع الهوى ... و ما التقينا سوى و لا شفتك يا حبيبي
لـوحتني الشمس و الهـوى قصفني ... يا خجلتي منك تـيجي و ما تـعرفني
و يسألوني الناس .. شو قلك حبيتك ... شو وصاك حبيتك شو وصاك حبيتك
----------------------------------------------------------------------------------------------
... كنا نتلاقى ...
كنا نتلاقى من عشيه ... و نقعد على الجسر العتيق
وتـنزل على السهل الضبابي ... تمحي المدى و تمحي الطريق
و ما حدا يعرف بمطرحنا ... غير السما و ورق تشرين
و يقللي انا بحبك انا بحبك ... و يـهرب فـينا الغيـم الحزين
يا سنين اللي رحتي ارجعيلي ... ارجعيلي شي مرة ارجعيلي
و انسني ع بـاب الطفولي ... تااركـض بشمس الطـرقات
يا سنين اللي رحتي ارجعيلي ... ارجعيلي شي مرة ارجعيلي
رديلـي ضحكات اللي راحـو ... اللي بعدا بـزويـا الساحات
بتتذكر شو حكيو عليي ... لما نطرت و انت نسيت
و صار الشتي يـنزل عليي ... و اجا الصيف و انت ما جيــــــت
|