[زهرة سلهووب]

وانا واردة على النبع سمعت قرب من صوبي صوت ..
قلت بداخلي يا بنت تشوفين وش هو ولا خليه يفوت ..
قرب الصوت .. وقليبي خفق وارتجف بسكووت...
يوم(ن)شاف خيال..شوفته بندى الصباح ما كانت بالبال..
بادرني بسؤال وقال ..يا بنت الاجاويد ..من نبعك اسقيني ..
ويا كريمة لا ترديني .. انا عطش وانتي ترويني ..وبحياء .. قربت صوب الماء ..
ومليت من النبعة .. وانطيته القربة ..وقلت تفضل يالخو .. حنا اللي نضيف الضيف ..
من نشوف الطيف .. شرب رشفة .. وانطاني القربة برجفة ..
قالي انا غريب عن الديرة ..ما هجيت انك سمعتي فيني يا اميرة ..
تبسمت وبخجل رددت .. وانت الظاهر انك غريب عن العرب ..وما سمعت ..
بشاعرة العرب ..وش اللي رماك صوبي ويش الخطب ..
بدهشة صمت وقال بعد ما رمى الحطة والعقال ..انا الخيال ..
مصاحب الليل والجبال ..ما نزلت سجال .. الا اكون الغالب المتعال ..

قلت .. على رسلك يا رجال .. الغرور لمن يصيب الرجاجيل يصيرمحتال ..
يوديك لابعد من حدود المحال .. وما يردك لولف خاطر(ن) بالبال..
..سكت الزين ..والتفت ما ادري وين ..كان بخاطري اصرخ واقول على مهل لوين ..
ركب المهرة ..والتفت وقال الان اعرفت لي تملكين الشهرة ..وعرفت من تكون زهرة ..
تصدقين رح اعود ونكمل السهرة ..بجو الصحاري على اكبر صخرة ..
وعني تلاشى وغاب .. كغيمة مطر ذابت بالسحاب ..
يا ويل حالتي ما كمل العتاب ..
ويش ذا الرجل اللي خلى حلو الكلام مني ذاب .. لصار بيني وبين الهرج حجاب ..
لكن اصبر وما يهمني اخاف(ن)اني اغرق في بحور العذاب .. اخافن انه بياع كلامن وكذاب ..
لا بالله قليبي له طاب ..ومن رمش عينه انصاب ..
وهلحين ابي اروح المضارب .. ادور حطاب .. وارد لديرتي باسئلة كثيرة مالها جواب