[**بنت نابلس**]

إحم إحم..
السلام عليكم..

وسعولي
جاية أشارك معكم..
وأحطلكم شغلة من وصفاتي..
هي بدها شوية شغل..
بس بتسوى..

كيكة طبقات الفراولة

يالله بسم الله..
أول إشي نذهب إلى المطبخ

وبنعمل كيكة اسفنجية..



وطريقتها عالسريع:
(5 بيضات، ملعقة صغيرة فانيلا، ثلاث أرباع كاسة سكر، معلقتين كبار زيت، كاسة طحين، معلقة صغيرة بيكنج باودر..
بنخلطهم، وبنحط الكيكة بالفرن تلت ساعة بالضبط.. لازم يكون ساخن من قبل.. اللي بيزيد دقيقة رح يندم)

هلأ..

بنعمل كريمة الكسترد يلي رح تكون الحشوة..
يم يم
مكوناتها



علبة حليب نستلة
كاستين مية
4 بيضات
ملعقة كبيرة بودرة كسترد..

هلأ لإخواننا بغزة.. لأنه على ما فهمت الحليب المركز هادا مو متوافر..
بتتغير المقادير هون شوي، جربت ألاقي طريقة بديلة وزبطت معي.. وهي:
كاسة ونص حليب
علبة قشطة
ملعقة نشا
ثلاث أرباع كاسة سكر
4 بيضات
ملعقة كبيرة بودرة كسترد..

هلأ بنخلطهم سوا في طنجرة



وبعديها بنحطهم على النار..
بنضل نحركهم..
لحتى تجمد الكريمة وتغلي شوي
وتصير كثيفة ^_^



هلأ هاي الكريمة بتضل جنبنا ونحرك فيها طول وإحنا نكمل باقي الخطوات..
ماشي..؟
شطورين

هلأ شو بنعمل..؟
بنجيب أهم عنصر بالكيكة
الفراولة


بحبها كتير أتا ع فكرة..!

هلأ بنقطعها شرائح..



وبنعمل صلصة فراولة كمان..
وهي عبارة عن..
كوبين فراولة..
3 ملاعق سكر..
وبالخلاط..



هلأ حضرنا كل شي..
بنبلش الشغل..
(هو لسة مبلشناش؟ )

بنقطع الكيك شرايح.. شي 1 سانتيمتر
وبنرصهم بطبق بايركس



بعرف ضايل كتير بالكيكة
مهو لسة رح نعمل كمان طبقة *_^

المهم..
هلأ بنجيب صلصة الفراولة..
وبنحط طبقة منها على الكيك



وبعدها
بنحط طبقة من شرايح الفراولة


وبعديها بنحط كريمة الكسترد كلها


كتير طيبة هالكريمة

هلأ..
بنرجع نحط كمان طبقة كيك



وبرضه بنشربها بباقي الصلصة



وبنجيب علبتين قشطة..
بندهنهم فوقها


بعدين بنرص باقي شرحات الفراولة.. يمييييي



بنحطها بالتلاجة لتاني يوم..

وصحتين وألف عافية..

تفضلوا



وهادي لمحمود عشان ساعدني بالصور



يا رب تعجبكم الكيكة..
ويا رب أفوز..!
هههههه

بتمنى جد تجربوها وتستفيدو كمان..
كتير كتير طيبة..

سلام ^_^