[.:.!دموع الرحيل!.:.]

الله يكون في عون الكرسي !!

شو جابك انت

ههههههه لا منور يا حج

مع الأسئلة ،،

أول شي .. كم تحفظي من القرآن ؟

والله مش مذكرة بالزبط بس بين ال 8 و 9 أجزاء فقط لا غير :(

أمنيتك في الحياة ؟

أرجع فلسطين وهيه محررة

تحت حكم إسلامي وخلافة إسلامية ^^

عمرك شعرتي انك راح تموتي في لحظة ما ؟؟

ايوا .. كتير أوقات ..

ان كـان شعور داخلي .. أو حدث حسيت اني قريبة للموت

رؤيا أو حلم حلو ،، ممكن تحكيلنا عنو ؟

أيام حرب تموز المــاضي

وقت كنا مرحلين من بيتنا ع طرابلس

وطبعا النفسية مش مرتاحـــــــه بالمرة

وبيوم كنت مخنوقة فيه كتــــــــــــــير

شفت انو بابا مطلعنا بالسيـارة بالجبل

وبقي يطلع فيـنـا

لحد ما وصلـنـا ع مكـان كلو خضـــــــار

عن جهة اليمين وادي وعن جهة اليـــــسـار

جبل كلو أخضررر

ولا بابا فجأة بيحكي " هي وصلنا عكـا "

وانا طبعا قلبي كـان رح يوقف

والله كأنو جد :(

وصرت اطلع ع كل مــكان هونيك

وصرخت لماما قولت الهـا

ماما هي بلدك عكـا

وصارت تبكي

وانا قال صرت اتلفت يمين ويسار

وأنشد صـــــبـــاح الخير يا بلادي

وبعدين دخلنا فلسطين قال ورحنا السوق ههههههههههه

وخلص الوقت قوام :(

وبابا قلنا يالا لازم نرجع ما عاد في وقت

طبعا انا انتكبت اني ما صدقت اليوم الي اجي فيه فلسطين

نرجع بهالسرعه

بس رجعنـا :(

وهيدا أحلى حلم بحيـاتي

بجـد لهلأ بحس اني فعلا زرت فلسطين ورجعت

واحلى شي لما وعيت تاني يوم

وخبرتو لماما صارت تبكيييييي هههههههههههههه

رأيك في أبيات الشعر التالية :

ليس كل ما يتمنى المرء يدركه :::: تأتي الرياح بما لا تشتهي السفن

دايما برددها .. ومثلي بهالحيـاة

=======

نعيب زماننا والعيب فينا :: وما لزماننا عيب سوانا

صح 100%

بس قليل ليخطر للبال ،، لأنو قليل الواحـد ليلقي اللوم ع حالو

دايما بزت اللوم على المحيط الي عايش فيه

مـع أنو لو بنلصح داخلنـا

كان كل شي تصلح حواليـنا

أختي دموع ،، انت بعيدة عن فلسطين ، ،

بتقدري توصفي فلسطين متل ما بتتخيليها ؟

يمكن الصور الي بشوفها ع النت أعطتني صورة مصغرة

عن جمال فلسطين

وعلى أساس الكلام الي بسمعو راسمة الصورة الها بمخيلتي

على جميع الأحوال بالنسبة الي هيه جـنـة

لأنو ما في أحلى من انو الإنسان يمشي على أرض بلدو

الأرض ملكو الشجر ملكو

حتى أصغر ذرة رمل فيها ملكو

هاي لحالها بتكفي لأني اشوفها الجنة الي أنا محرومة منها

غير هيك

فلسطين بالنسبة الي ..

هيه مش حجارة ولا بلد كلها عمارات

فلسطين كائن حي

بتحس فيني وبتشتاقلي متل ما انا بشتاق الهـا

والكلام عن فلسطين ما بينتهي ..

بكتفي لهون ان شاء الله كون عبرت ولو شوي عن الي بداخلي

لو جيتي فلسطين ،، شو أول شي راح تعمليه ؟

طبـــــــعاً أول شغلتين بعملهم أزور الأقصى ويافا

وما بنشفى الحزن الي جواتي الا اذا زرت التنين هدول

من بعدهم غزة لأنه عندي ياها بعـد يافا والأقصى

وفيها رح أزور كل رفقاتي لأنو أغلب رفقاتي هونيك

وبعد هيك أروح بحـر غزة الي دايما عمو هنيه بروح عليه

بعدو الضفة عشان أزور القسم الــتاني من رفقاتــي

وبعـدين نرجع على يافا نرجع بيتنا ونزبط امورنـا

بعديها نعمل جولة على كل شبر بفلسطين

طبعـا كل هالحكي لأنو أملي برب العالمين أنو رح نرجعـهـا محررة بكاملهـا بإذن الله

فتحت جروحـاتي يا نشأت

كيف انت والرياضة ؟

نص نص

بالاحظ من كلامك انك عاقلة واحيانا بتكوني عبيطة ،، صح ولا خطأ ؟؟ هههههههه

لا تعليـق

رأيك في الاعضاء التالية أسماؤهم ،،

احم احم

انا

انت .. عبيط

هههههههههههههه لا بمزح والله

فلسطيني أصيل .. متفاني جدا من أجل الوصول لأهدافك

عصبي بس قلبك طيب

واخوي الغالي

الله يوفقك يا رب

محمود

يسعدو إبني هيدا

(( مـع اني بحس حالي انا بنتو :p ))

لا بجـد محمـود نفس الشي إنسان متفاني من أجل طموحاتو ..

اصيل لأبعد حد .. وبيتحتار كيف يفرح الغير

وما بيفرق عن أخوي بشي غير إنو امي ما جابتو

الله يسعدو وما يحرمنـا منـه

فجر لحياة

الركازة والأصالة والهدوء كلو من صفاتهـا

حبيبة قلبي وحبيبة الشعب كلو

انوس

أنوس جــــوهرة بكل معنى الكلمة والله

كمـان أخوي الغالي كتير ..

الله يخليلنا ياه يا رب

شمس العروبة

حبيبتي شمس ..

كمـان إنسانه أصيله جداً

فهمانه وراكزة ع الآخر

وهـاديه ع الآخر كمان

الله يسعدها يا رب

نور اليقين

نــــــــــــــور ؟؟!!

إنســــــــانه معاطاءة لأبعد حد

بالنسبة الي نور هيه أجمل الذكريات ..

وأهم ما في الحــــاضر

وحريصة اني ما افقدها ابدا بالمستقبل

دايما الواحد بحس حالو مقصر تجاهها

الله يقدرني وارد ولو القليل من أفضالها علينا

انين

عسل والله

ما بعرفها الا من المنتدى ..

وطالبه من نرو تعرفني عليها ع المسنجر

وانا لسه بالانتظار

بس من المنتدى بحس انها انسانه راكزة وهادية ومبدعه كمان

يسعدها يا رب

ابو النور

حكتلو فوق انو انسان خلوق ونشيط

وأوقات بلاقيه غامض وما بقدر أفهمو

وكمان غالي والله

الله يوفقو يا رب

جيفارا نابلس

جيــــــــفارا ..

طيب كتيــــــــــــــــــــــــــــــــ ــير

وأصيل ما بينسى المنيح ابدا

الله يسعدو يا رب ويوفقو ..

ويرجع إلنـا عن قريب :(

هلون

قطة مشاغبة حبيبتي ودلوعتي

انجيلا

العسل كلو

مؤدبة وسبب ابتسامتي دايما

يخليلي ياها يا رب

بنت الرملة

أصيله وقلبها طيب كتير

وتوأم روحي

لولو

حبيبة قلبي

طيــــــــــــبة لأبعــــــد حـــد

الله يخليلي ياها

عاشقة الفيروز

عســــل والله ع الآخر

بحسها عفوية .. وقلبها طيب

بحبها والله

ابو مجاهد

فلسطيني أصيل

ومبين عليه فرفوش

الله يفتح عليه

عاشق الشهادة

كمـان فلسطيني أصيل ..

طيب كتير رغم انو بحاول دايما يظهر انو قاسي

الله يوفقو يا رب

ينكمل بعدين


ولنا عودة :)

بتــــــــــنور والله يا حـــــج

أهلا وسهلا فيك