[محمود]

-حياة اليوم ما بيها -

حياة اليوم ما بيها ولا ني يا عرب شفقان

أنا عاشق حياة البدو والبدوان من ساسي

يا ليت أقضي ربيع العمر بين النوق والحيران

مع البدوان أحب أقضي حياتي والفظ أنفاسي

أحب أتبع قطيع الرمل يوم تسرح القطعان

وأحب الثوب يوم يصير يابس من عرق رأسي

أحب أمشي أحب أمرح أحب الورد بالريضان

أحب أذكر زمان راح وقلبي ما بعد ناسي

وأحب أمشي ولو حافي وأحب أصعد على الضلعان

وأشوف الروض متفتح وبيت الشعر به رأسي

وأحب الفجر عند الصبح وأسمع لجة الرعيان

صباح الخير يا دنيا وأنا كفي على فاسي

وسراج البيت يغريني إذا علق على العمدان

يجيب الساري بليله إذا صار الهوى قاسي

وأحب الماء بالقلبان إذا حسيت أنا عطشان

أحب الدلو من ينزل أشوفه ينجلي ياسي

أنا بالشعر إنسان وشاعر يبدع القيفان

كتبت الحرف فوق السطر ولو دقيت أجراسي

ولاني بالشعر مغرور ولاني نمر بن عدوان

من ألي بالشعر يقدر يجاري صادق إحساسي