رد: ::% فرقــة أصــدقاء فلسطيــن المحترفــون %::
يا اخ محمود في البداية انتا مش الي بتعطي اوامر اخر فرصة ولا اول فرصة انتا زي ما قلت المنتدى للجميع يعني قبل ما بتعمل اشي
بدك تستشير المشرفين والادارين واعضاء المنتدى مش على كيفك طالما انو المنتدى للجميع بس ان كان المنتدى الك حق يخو وانا اول الناس الي بقلك مبروك لمنتداك والله يسهل علي
ثاني شي يا اخ محمود انتا طلبت منا عرض مشاريعنا واعطيتك اياهم ولكن للاسف ما لقيت منك رد بعدها ولا حتى كلمة شكر تشجع الفرقة
بل اعمل انك ما انتبهت وطنشت هذا ان شفتو ما بظن انا سوء
غير هيك يا اخ محمود انا قبل ما اطلع قدمت عذر لاعضاء الفرقة وكل اعضاء الفرقة بعرفو بهالاشي واني مضغوط وعلي امتحانات وكل اعضاء المنتدى عندهم علم وبما فيهم انتا
يعني هي اكبر عذر مش مستعد انا ارسب في الجامعة لاجل منتدى ما في فايدة لنفسي عشان اعطيك على بلاطه
اخ محمود انتا لغيت الفرقة دون اي علم او رسالة تحذير او اي خبر سابق
غير هيك يا محمود الفرقة اعملتها انا لتطوير المنتدى وعملتها لاجل اني امنع الاعضاء من المشاكل الحزبية والحمد لله انجحت في هالاشي وبذلك لاحظت انك بدكاش الفرقة لانها بتمنع المشاكل الحزبية شو هيتو الشغله عجباك ولا شو
ويا محمود مطر تنساش انو الفرقة انا الي أسستها يعني بترجع الي قبل ما تكون لادارة المنتدى
وطالما انو هي اخر فرصة فيكون بعلمك ما بتلزمني الفرقة كلها لانها ما بطعميني لا حلو ولا حامض
وانا يا محمود مش زي ما حكيت اعملت الفرقة عشان اخطف اعضاء من عندك على منتدى تاني بدي اعملو
يا محمود انتا بتعرف اني اكثر شخص بقدر اعمل اعلانات لاي منتدى بدي اياه وانتا بتعرف اني كنت راح اعملها بجامعة الاقصى بس عشان اريحك يا محمود انتا الشخص الوحيد الي مستحيل اني اعملها في سبيلو
لاني عارفك ناسي للمعروف
وراى كل معروف ضرب كفوف
يا محمود اعرف نفسك قبل ما تحكي على غيرك
واعرف مين بحكي في ظهر التاني ومين بشبك الاصحاب مع بعضهم قبل ما تنم عن شخص تاني وتتهمو بشبك الاصحاب
وعلى قولتك تصاحب الف احسن من صاحب فاسد
لكن اعرف مين الفاسد
سلام يا قطه وتحيتي الك
|