[-|| تقى ||-]

انا من نابلس

مش من قراها او ضواحيها

يعني بالمدينه نفسها

مش عارفه من وين ابدا

بس رح اقلكم سبب التسميه

بعرف انا انو من احد اسباب التسميه

القصه انو افعي كبيره جدا هاجمت المدينه فخرج شاب وقاتلها فصرعها

كان اسم الشاب لـس

فاخد نابهــا وافتخر به امام الناس فقالو : هذا نابلس اي ناب , ولس
( الحقيقه انا بقول هاي جعطه بس هيك موجوده بكتب التاريخ )

بابلس بتشتهر بجبالها ( جرزيم وعيبال )



الجبل الي لليمين هو الشمالي والتاني جنوبي .

جرزيم بالجنوب ( الجبل الجنوبي ) : مناطقو هي المخفيه والطور و راس العيم والضاحيه وخله العامود وامتدادهم .

وعيبال بالشمال ( الجبل الشمالي ) المنطقه معروزفه باسم الجبل الشمالي .

وفي هلا امتداد للجبال متل نابلس الجديده ومنطقه الجنيد وزواتا وغيرها .


نحكي شوي عن الاقتصاد فيها .

قبل الانتفاضه نابلس كانت معروفه انها العاصمه الاقتصاديه لفلسطين . مع العلم انها اكبر المدن بفلسطين .

بتشتهر بصناعه الصابون من الزيت ( زيت الزيتون ) .




هون بتقدرو تتوسعو بصناعه الصابون

فيها معامل للاحذيه

وكمان بالحلويات ( اكيد بتعرفو الكنافه النابلسيه والحلويات الي فيها )

نحكي شوي عن معالمها التاريخيه

نابلس من اقدم المدن

بتلاقو فيها آثار رومانيه وعئمانيه و وامويه

في مدرج روماني بمنطقه راس العين ( شرقي المدينه ) بحاره الشيخ مسَلم .

وحمامات عامه عثمانيه .

وقصر هشام بن عبد الملك ( اموي )

اكيد في اكثر بس انا ما بعرف لاني ما بروح هاي الاماكن

البلد القديمه فيها حارات ومناطق كتير قديمه وغريبه متل حاره القريون والفقوس والياسمينه والحبله .
اكيد في كتير تاني بس مش عارفه اتذكر شي .

نحكي شوي عن التعليم

المدراس ما بقدر اعدها

فوق 100 مدرسه ( مدارس البنات احسن من مدارس الولاد) اقلكم المشهور منها : العائشيه و الصلاحيه وسمير سعد الدين وكمال جنبلاط وجمال عبد الناصر و ابن سينا و بسان والملك بن طلال و قدري طوقان و معزرو المصري
وعبد الرحيم محمود و الحجه رشده المصري قرطبه وعبد الحميد السائج و ابن الهيثم طلائع الامل و المدرسه الاسلاميه و مدرسه الكندي الزينيه للاولاد والزينيه للبنات في مدارس للوكاله ( بكفيهم ذاكرتي تعبت )


اما الجامعات : جامعه النجاح الوطنيه ( وهل يخفــــــــــــــــى القمر ) هاي للافرع الادبيه اكتر شي .

فرعها الجديد بالجنيد ( الاكاديميه ) هاي للافرع العلميه اكتر شي والفنون والقانون .

في كمان جامعه القدس المفتوحه واظن في الاسلاميه .


اذا اتذكرت شي برجعلكم