رد: المنتديات.. هل هي عزله اجتماعية.. ام انفتاح اجتماعي..
مرحبا .. يسلمو على الطرح الرائع ..
انا تناولت الموضوع في منتدى اخر قبل هيك .. كان راي انو المنتديات مكان للفاشلين اجتماعيا نوعا ما ..
وبسبب العزلة .. اولا انتي ما بتعرفي مع مين عم تحكي .. ولا بتعرفي شو حقيقة الشخص اللي قدامك
الانسان اللي بعاني من مشاكل في حياتة الاجتماعية وغير قادر على اثبات وجودوا في المجتمع .. اجتماعيا
حتى لو كان ناجح علميا وعمليا .. بس بضل .. الجوانب الاجتماعية .. فيها نوع من النقص .. يمكن هادا مو مع
كل الناس .. فية نسبة ناحجة اجتماعيا .. وبتفوت تسلاي .. ممكن بس الاغلبية لا .. عندها نقاط سلبية
في شخصيتها وميشان هيك تدمن الشات والماسنجر والمنتديات .. ميشان هيك بتلاحظي المتزوجين
واللي بيعيشوا قصة حب ناجحة ومشبعة لئلهم عاطفيا .. ما بفوتوا النت كتير .. بشكل محدود .. في نقطة اخيرة
المنتديات والشات .. بتوسع خيال الانسان .. صح انها بتنمي معلوماتة بشكل معين .. بس بتضعف عملية
التواصل مع البشر . ... وبتخلي يبحر في عالم مفترض .. يعني هو مفكر حالوا انو فايت مهرجان كبير طويل عريض
بس في الحقيقة المحزنة انو قاعد على جهاز كمبيوتر ... وشكلوا متل المسكين .. بضحك بجد
بس في نقطة معينة .. انها بتسهل عملية التعارف على الشباب والصبايا بشكل بسيط وسهل وبتغير العوامل اللي بتبني عليها البنت
اختيارها لصديقها او حبيبها .. في الحياة الطبيعية الصبايا بطلعوا على الشكل والمظهر والوسامة وقوة الشخصية بس في النت
الامور بتتغير وبصير معيار التعارف هو النك نيم الجذاب والاسلوب في الكتابة اللي بعجب البنت .. فممكن تتعلق فية وتحبوا وتتعرف علية ..
|