[زهقانة انا]

المشاركة الأصلية كتبت بواسطة عاشق الحور

ليعلم الجميع .. ان حرب حماس التي حدثت وانتهت بنصر من الله مبين

لم تكن تستهدف وجود حركة فتح

وان كان قد غرر بالبعض وظنوا انها حربا بين حماس وفتح

الحرب استأصلت تيار اجرامي لحدي حاول نشر الرعب والخوف وحارب المجاهدين من أجل اجندة معينة

هااي كلها شعارات بتضحكوا فيها على عقول النااس

عشان تبرروا الي عملتوه

مع انو لا شرع ولا دين بيبرر الي صار

يعني بدك تفهمني مثلا انو 600 الي ماتوا بهااي الاحداث

كلهم عملاء؟؟؟

بأي شرع انكم تمثلوابالجثث قدام النااس وقدام الاطفاال

بغض النظر عن اعمالهم

حتى لو كانوا فعلا بيستحقوا القتل


الرسول صلى الله عليه وسلم

الي اكرم منا كلناا

كان يوصي المسلمين في الغزوات

ويحكيلهم

((اغزوا ولا تغلوا ولا تغدروا ولا تمثلوا ولا تقتلوا وليدا))

انا بحياتي عمري ما كنت هتخيل حالي اني ممكن اتعاطف مع فتح بيوم من الاياام

بس الي شفتوا قدام عيني خلاني اغير وجهة نظري

وخلاني اندم على الساعة الي انتخبت فيها حمااس

قداام عيني شفت المسلحين وهما بيدخلوا بيوت النااس

الي ما فيها غير اطفال وامهاتهم وبيطلعوهم منها

وبيسرقوا الي فيها وبيحرقوها

لنفرض يعني انها هااي البيوت اصحابها بيستحقوا القتل

شو ذنب الاطفال يتيتموا

والا انتوا ماشين على مبدأ الحسنة تخص والسيئة تعم

بأي شرع مقرات الامن الوقائي والامن الوطني تتفجر وهما فيها

هلأ صاروا كل الي بالامن الوقائي والوطني عملاء

نسيتوا انو فيه منهم نااس كل همها توفر رغيف الخبز لأولادها

وين الاسلام الي بتحكوا عنوا

طيب التصرفاات هااي لما تصدر من اي حدا من فتح

كنا نحكي ما عندهم دين

طيب والي بيمثلوا الدين لما يعملوا هييك شو نحكي عنهم

شغلة تانية

تلفزيون فلسطين وراديو الشباب ليش انقصفوا؟؟

لأنهم بيحرضوا ولا مجرد لانهم تابعين لفتح؟؟

ازا على التحريض ما في تلفزيون بيحرض قد تلفزيون الاقصى

رغم هيك بعمري ما سمعت فتح قصفتها

الشغلة الي فعلا لحتى الان مش فاهماها

على اي اسااس بتسموا الي صار انتصاار؟

ان شاء الله ربنا ما بسيب حدا

وكل ظالم ربنا ببعتلوا الي اظلم منوو