[نور اليقين]

بصي هو أنا مكملتش الموضوع للآخر بس قريت الردود و شفت الآراء كلها حبيبتي لو المحبة دي كانت صادقه وقت الفراق ووقت الزعل يمكن أتناساها أتجاهلها أفرض على نفسي كتمانها و بطريقه لا ارادية هتلاقيني بوري للعالم كلو و اولهم لنفسي اني بكره الشخص ده مش كرها فيه بل حفضا لكرامتي و نوعا ما انتقاما لنفسي خاصة لو كانت زي ما قلت : محبة صادقه بجد بس ده و هو عايش قصاد عيني شايفاه و عارفه تحركاتو تحركات تقدر تكون وقود للكره ده "اللي ببينو" بس لما الشخص ده يختفي و اختفاؤو ده يكون أبدي هنا غصب عني هرجع لنفسي شريط ذكرياتي معاه هيمر قصاد عيني و سبحان الله بس الذكريات الجميلة هنا صدقيني يمكن محبتي ليه بتاعت زمان ترجع و ترجع أقوى من الاول كمان عشان الشخص ده خلاص راح و احنا بطبيعتنا كبشر بنحب نعذب نفسنا فهنعلقها بذكرى انسان كان و مبقاش ده رأيي و الناس آراء بس الواقع واحد كلنا جوانا جوهرة مفيش في طيبتها و لا رقتها مبتبانش الا في مواقف معينة و ده واحد منها