[نور الهدى]

السلام عليكم و رحمة الله و بركاته

والله هذا الموضوع عرف غلو من طرفين ... طرف بقول لا ما في شي اسمه حب و حكي فاضي ... و طرف اخر بقول انه لا في حب لكن يستحلوا العلاقات الغير شرعية .

و كلا الطرفين مخطئ . ليش ؟

الطرف الي بقول انه ما في شيء اسمه حب ... انا بساله ان كان انسان يمشي على الفطرة و لا واحد اجا من المريخ ! او واحد عفريت ... المهم انه مش انسان.

الله تعالى اودع فينا هذه المشاعر و مستحيل واحد يجي و يقول لي انه ما تحركت هذه المشاعر في داخله او انها ما رح تتحرك يوما ما .

احنا بنحكي عن الحب كمشاعر انسانية مش كعلاقات غير شرعية ... و في فرق كبير زي ما وضحت اختنا " صاحبة القلم الحزين" الي بتمنى يصير قلمها سعيد يوما ما ^^.

و كمان ما بنقدر نقول انه كل الي بحبوا بعض كزابين 100% ... و انهم بس بتسلوا ... لا انكر ابدا انه معظمهم بعملوا هيك بس اكيد عن جهل .

و ما بنقدر نعمل قاعدة انه اي واحد زلت قدمه و صرح بمشاعره للتاني انه كزاب .

هذا الكلام ما بيعني اني مع العلاقات ... الغير شرعية .

نرجع للقول الاخر ... المتساهل ..

اقول للشب الي على علاقة غير شرعية مع بنت ... انه بما انه يحبها و بتهموا مصلحتها ... ما يعرضها للفتنة و للوقوع في خطا .

انه بما انه يحبها و مهتم بيها ما يدور غير على مصلحتها .

ازا بدو يحفظ عرضها و عفتها ... يا اما يتقدم لخطبتها و هذا اكبر دليل على صدق النوايا . و اذا ما معه مقومات التقدم انه يقطع الاتصالات معها و يشرحلها الاسباب و يدخل طرف ثالث في الموضوع ... اخته او حتى امه !

هذا دليل انه صادق ... لانه بدو يحفظ عفتها.و من غير الممكن حدا كزاب يقبل على انه يصارح اهله بهيك موضوع الا ان كان صادق.

ما تفكروا اني استبيح العلاقات الغير شرعية ... والله انها مش الفكرة الي بدي اوصلها ... لكن شبابنا ضاعوا لما ما لقوا حدا يسمعهم او يتفهم مشاعرهم . شبابنا مفعم بهذه المشاعر لكن للاسف المجتمع شوه اي صورة عن الحب و اعتبرو جريمة يعاقب عليها القانون !!

فصاروا الشباب يعملوا كل شيء في الخفاء ... و هذا يعقد مشاكلهم اكثر. لو كان في علاقة صداقة بين الاهل و الشباب ما كنا وصلنا لهالحال .

لو انهم عودوهم دايما على الصراحة لكانوا حلو معظم المشاكل بحكم خبرتهم . لكن الله المستعان ...

انا اتمنى نكون بعيدين عن الغلو من كلا الطرفين ... الحب مش جريمة ... لكن في نفس الوقت مش لعبة .

اخيرا ... انا اتمنى ان كل بنت تتحمل مسؤولياتها و تحفظ عفتها و تتقي الله في تصرفاتها ... و انه كل شب يتقي الله في اعراض اخواته .و ان كان عانى من عدم تفهم الاهل و المجتمع ... الدور عليه لما يصير عندو اولاد ... انه ما يعمل نفس الخطا مع اولاده ... و ان شاء الله باذن الله يتغير مجتمعنا الاسلامي للافضل

والله كتبت الرد بسرعة و هذا الموضوع طويل عريض و يطول الكلام فيه ... لكن ابيت الا الادلاء برايي<<< ما شاء الله على الفصحى

و السلام ختام ^^