[قسامي غزة]

المشاركة الأصلية كتبت بواسطة حورية الحريّة شايف يا قسامي ما أحسني..قررت اجاوب كمان مرة :) اعتقد انها كمان مرة او مرة اولى المهم:
انا بشوف كلامك صح
اول اشي الشاب الي حاطط بمخو الزواج لازم يعرف انو الزواج مش بس زوجة..لأنو كمان شوي بتسير عيلة..و صحيح كل ولد و بتيجي معا رزقتو بس لازم الشاب يوخد بالأسباب و يأدي كل مجهودو لحتى يقدر يوفر مصاري
اما بالنسبة للشاب الي بجد بيشتغل ..بشوف انو الرحمة حتى بشغلة المهور واجبة..لأنو الشاب بيكون مش طالب غير السترة و بعدين بيجو اهل العروس بيدفعو حك هالسترة بلاوي
لما يسير حكي بنات كتير بتسألأني بنت اذا اجاكي واحد فقير بتقبلي..او اجاكي واحد معو مصريات قد حالو بتقبلي؟؟اول جوابي ليش لأ
يعني يجيني واحد ملوينير و نعيش نكد طول حياتنا ولا واحد على قد حالو و تكون أحلا حياة
و بعدين في صفقة رابحة....واحد متدين و اخلاق و تعليم و شخصية و شكل ووقتها انسا المصاري ولا بسألأ فيهم ما دام في سقف فوق راسي و خبزة على الطاولة متل ما بيحكو
و صدقني قسامي هاد طلب اي بنت..بس لازم تراعي ظروفها الاجتماعية كمان...يعني اصلا افضل للشاب يعرف كيف حالتها قبل ما يطلبها..لأنو البنت الي عايشة معززة مكرمة بفيلا و سيارات صعب عليها"مش مستحيل" انو توخد حد اقل من ما تعدوت تعيش ببيت أهلها..هيك الحياة و الناس ظروف و منازل ولازم نحترم هالشغلة
و البنت الي بترفض الزواج بفقير ممكن احسن من انها تتزوجو و بعدين تنكد حياتو و عيشتو..من أولها كل واحد يعرف شو بدو
و الأهل الله يسامحهم..بيكون الأب عمرو ما اشترى سيارة و لما يجي العريس بيسبر يطلب سيارة و دهب و مصاري و شقة و الحالة حالة قال عشان يعيش بنتو..طيب مهي انت و مترك عايشين
المصاري بتروح و بتيجي بس الزيجة زيجة
و تفكرش قسامي انتو الشباب بس الي ماكلين هوا..مرات البنات بيحزنو لأنو شاب فلان ما تزوجوو لهاد السبب..انو اهل البنت طلبو من الشاب كتير و البنت بدها هاض الشاب بس "مرفوض"
الله بيعين قسامي
بعرف اني طولت عليك بالجواب بس متل ما بيحكو "دير بالك من امنياتك" و انت طلبت مني اجاوب
شكرا على الطرح الروعة و الله يعين كل على مصيبتو

اختي حورية
اولا مبارك عليكي الاشراف
تاني شي كلامك صحيح
بس بدي اعلق علي كلامك
بالنسبة اذا كانت البنت عندها مصاري وسيارات واخر شياكة وتقدم الها واحد فقير صعب هيه تتاقلم معاه يعني علي عيشته البسيطة وانا بوافقك الراي
وكمان هي ما ترضي واذا رضيت اهلها ما يرضوا هذا طبعا في الغالب
اما انا كلامي كان عن الطبقة العادية
( كل واحد يمد رجليه علي قد لحافو ) هاد مثل
ويعني انا الي اقصده انا مش معقول اروح اتزوج بنت مليونير
انا لما بدي اتزوج بادور علي بنت من ثوبي
حتي تكون فاهماني وفاهمها وعارفة كيف عيشتي
يعني انا هاد الي قصدتوا
وانا مش معقول اروح اتزوج بنت غنية لانها انا بختلف عنها بالتقاليد والعادات
وهاد البنت واحد من ثوبها الي يناسبها
لامنوا يقدر يوفر الها سيارة ومصاري والي بدها اياه من رحلات وطشات
وكيف هيه ضريت علي عيشتها
ارجو انوا يكون كلامي وصلك