[رشة عطر]

مارأيك في علاقة التي تنشأ بين الشباب والبنات اثناء الدراسة وخاصة في الجامعات والمعاهد ؟
حسب العلاقة بصراحة
يعني مش كتير بقتنع بقصص الحب
خاصة ازا قسناها بالعقل والمنطق..اتوقع تقعد البنت والشب يحبو بعض عشر سنين على بال مايتخرج ويشتغل ويبني حاله وبعدين يتقدم ويرفضوه الاهل لاي سبب من الاسباب او حتى الطرفين يختلفو ويكون الطرفين ضيعو عمرهم وحياتهم على ولا شي.. ارفض الموضوع برمته
اما بالنسبة للصداقة العادية
فانا بعترف رغم انتقاداتكم للموضوع انو انا عندي اصحاب شباب
اي نعم مابطلع وبنزل انا وياهم
لكني من اول يوم اتعرفت على الشلة.. واحنا خمس بنات وشبين
عرفتهم على بابا .. وهلق هم وياه اصحاب وبيروحو بيزوروه وكل شي على دراية اهلي
وانا بعتبر انو طالما الموضوع مافيو شي مخفي معناها مافيه شي غلط
وللحقيقة هم اخوان .. بلاقيهم لما اكون محتاجة شي مابيصير ينعمل الا من شب وخاصة انو ماعندي اخوات شباب .. وبالمقابل بتلقى نفس المعاملة منهم..
** بعتقد انو ازا كانت صحوبية صح.. حيكون الموضوع مشجع.. يعني احنا مثلا بنعمل جداول دراسة سوا
والي بسنة تالتة بيساعد باجزاء معينة لسنة تانية وهيك..
** يعني علاقات الحب من خلال الجامعه بتعتمد على الطرفين
اتنين من الشلة.. هلق خطبو خطبة رسمية وناطرين سنة للتخرج لحتي يتجوزو.. بتزبط بس بحالات معينة
واتوقع اقل من 5%
وماهو مدى الثأثير هذه العلاقة على شخصية الشباب والبنات ؟
علاقة الصداقة حلوة
بتعطي احساس بالامان اكتر انو في حدا واقف معك.. رجال يعرف يتصرف
و
بتعطي احساس بالمسؤولية اكبر
انا بعرف انو هالشب متوقع مني اكون بطريقة تصرف دائما
وهو بيعرف هيك بالمقابل.. هو بيتجنب اي غلطة لحتى مايوقع من نظري وانا بالمقابل نفس الشي
ولماذا يصبح الشاب معقدا في نظر البنت في حالة عدم التكلم مع البنات؟
اكيد مش معقد
الموضوع بيعتمد على طريقة التقبل بحياة اي شخص
انا بحترم اي شخص بيتبع مبادئه
انا بجيب اصحابي لحد بابا ولو ماعجبوه بقطع علاقتي فيهم نهائيا
وبحترم اي شخص متلي
وبالمقابل ازا كانت المبادىء الي ماشي عليها او ماشية عليها مابتسمحلهم بهالنوع من العلاقة المشتركة وازا كانو ماشيين عليهم كمان بحترمهم وبيكبرو بعيني طبعا
لماذا لايؤخذ بنظر الاعتبار اخلاق الشاب لا تسمح له بتكلم مع البنات ؟
اعتقد انو الاخلاق مابتمنعع كلمة صباح الخير
لانه اعتقد انها مابتفسد الاخلاق
ومالها علاقة بالاخلاق
الها علاقة بكل شخص ووجهه نظره
واحنا في قانون معين بقانون التعايش بين الحضارات عنا بيقول انو مابيحق لاي شخص انو يحكم على مبادىء شخص تاني انو صح او خطا لانو الموضوع موضوع اختلاف مش اكتروانا صراحة بامن بهاد المبدا

وماهي سبب فشل بعض العلاقات بين الشباب والبنات هل هي اسباب تعود على الشباب ام على البنات؟
هيي اسباب تربية
ازا موضوع حب وارتباط .. بتفشل لانو بيكونو مش قابضين القصة جد اصلا لانو اهاليهم نسيو يربوهم
واما للصداقة
اتوقع حسب الظروف بتفشل او لا
وهل صحيح ان بعض هذه العلاقات تأخذ منهجا غير اخلاقي ؟
اكيد
هالشي بشوفو عنا بجامعتنا
خاصة انها جامعه اجنبية ومابتخضع لقانون وزارة التربية والتعليم
وتحديدا بين الشباب العرب
والبنات الاجنبيات
يعني الموضوع مقزز صراحة لانو شي بيفشل خاصة بس تشوفو العرب وهم بيركضو ورا بنات بيعتبروهم ناس مخنوقين
وهل تنجح جميع هذه العلاقات مع وجود الشباب لايعرفون معنى هذه العلاقات؟
اكيد لا
لازم الشب يعامل البنت انها اخته
ويخاف ربنا فيها
وبالمقابل البنت تخاف ربنا بعلاقتها معه
وهل تزيد هذه العلاقات من ترابط المجتمع ام تفكك المجتمع؟
كلو حسبب الاساس والطريق

ازا الطريقة صح والاساس صح .. بتزيد من الترابط والالفة والامان كمان
وازا غلط.. الموضوع ماشي للهاوية اكيد