[صاحبة القلم الحزين]

ههههههههههه

طول عمرهم بنات صفي بالامتحانات بيصيروا يكرهوني

و ببعدوا من جنبي

لانه لو تطلع روحهم في الامتحان لا بغش و لا بغشش حد



لاني مش مستعدة أغضب ربنا و أوجع ضميري عشان علامة

لا راح تقدم و لا تأخر

بس طبعا في بعض التجاوزات... عشان ما اكذب يعني....

لما يصير الصف شوربة و الحل جماعي أثناء الامتحان

و الكل مش عارف و الكل بغش و المعلمة او الاستاذ جايب اسئلة من الفضاء

و يكون المراقب شايف و ساكت و الاجوبة تتطاير في الاجواء

يعني اكيد لو هدّت شي معلومة طايرة على اذني مش راح اطحيها



بس الحمد لله و لا عمري اعتمدت على الغش

لاني متاكدة انه لو هالغش جابلي علامة بالدنيا

راح يخسرني كتير حسنات بالاخرة

و والله الشغلة مش مستاهلة

بس اكتر شي كان يقهرني امتحانات الوزارة و التوجيهي

لما المراقبة تخون امانتها و تصير تغشش البنات و تنقل الاجابات من بنت للتانية

والله كنت أفقع و أعصب و أبطل قادرة أركز من سمة البدن

المهم يا ست بان بون

مقترحاتك كتير ممتازة

وما عندي شي أضيفه لأنه لحد اليوم و الحمد لله بعرفش أدرس

بس في شغلة كتير مهمة

دائما دائما دائما

بعد ما تدرسي و قبل الامتحان

وقفي مع نفسك وقفة صغيرة

و ادعي ربنا و توكلي عليه و ناجيه بكلماتك الخائفة و القلقة

و حطي ببالك انه لو مهما صار مش راح تغشي

عشان ربنا يوفقك و يفتحها بوجهك

و بالنهاية آسفة للإطالة

والله يوفقكم جميعا يا بنات و شباب التوجيهي

و يوفق الجميع و يهديهم يا رب