[قسامي غزة]

المشاركة الأصلية كتبت بواسطة حورية الحريّة والله يا قسامي كأنك بتحكي عن جزء من قصة حياتي
انا عشت طول حياتي بفلسطين....بس قبل سنة و نص نقلنا أو بالأحرى للأسف هاجرنا للأردن.....انا معي هوية فلسطينية من أمي بس المشكلة أبوي ما معو...معو جنسية أجنبية و كان صعب عليه حسب الشروط للجنسية الغير فلسطينية انو يسافر كل شهرين على دولة فضطرينا نيجي على الأردن لأنها قريبة على حبيبتي فلسطين
انا لسا بجي و بروح على الضفة........بس بدك الصراحة عمري بحياتي ما حسيت بغلاوة حبيبتي و أمي فلسطين الا لما طلعت منها
والله يا قسامي بتذكر أمي ..اسمعتها بتتفق مع أبوي على يوم السفر و بكيت غير شكل......لحد هلا كل الناس هون بيستغربو اني بحكيلهم انو بلادي ترابها أحلا من أحلا جنة بالأردن....مو لأنو الأردن سيئة لأ طبعا .. بس لأنو فلسطين بلادي أولا و أخيرا
حتى لو الحالة المادية صعبة حاولو...والله فقر و قلة أكل أهون بمليوووووووون ألف مرة من توديعية البلاد على جسر الأردن........نصيحة من مجرّب و بعدها حتقولو حورية قالت
الله لا يفتّح جروح يا قسامي
مشكور

ياااااااااااااااااه
يااختي لهاي الدرجة فراق الوطن صعب لهاد الدرجة
انا طبعا عمري ما طلعت من فلسطين ومشان هيك ما بعرف كيف الشعور بس باتوقع
كيف اما ما بعرف كيف بالتحديد غربة الوطن
اكيد اختي تراب الوطن ما في احلي منو بس لانوا بيضلوا الوطن
وانتي صعب عليكي مشان انتي سكنتي في فلسطين مدة من الزمن
صحيح هوا الحالة المادية صعبة بس ما في حد بيموت من الجوع
واكيد كل واحد فينا يتطلع اني يكون مستواه المعيشي ارقي شوية
بس ضريبة الوطن انوا تكون هيك المعيشة
اكيد انتي اختي حاسة بكلامي اكتر مني لانك انتي جربتيه
نسال الله انك ترجعي لوطنك الحبيب
تحياتي الك اختي