المشاركة الأصلية كتبت بواسطة جيفارا*نابلس
واما اكيد فاقد الامل
بس الغريب انو احنا الان بأمس الحاجه لشيء يثبت وجودنا على الارض
والفضائيات الصهيونيه مشاء الله عليها
عم تهدر كل تضحياتنا وكل ما بنينناه
اشكرك اخت نور على المداخله الرائعه
اخي جيفارا ...
التغيير مستحيل يحصل بين يوم و ليلة ...
اول اشي محتاجين اله هو الوعي الديني و التاريخي و الثقافي و العلمي ..
شبابنا هو العمود الفقري للامة ... اذا فسد هذا الجيل راحت علينا ... لازم نستنى نصف قرن تانيين لحتى تستيقظ الامة ...
شوف اخي الاساس هو اسرنا المسلمة .. سواء العربية او الاعجمية ... مش مهم ... قضيتنا دينينة والله ... و مش عربية و بس
لما الشاب ينشا على طاعة الله و على سنة رسول الله و على حب الجهاد و الوعي التاريخي سهل جدا انا ننهض بالامة ... بس اذا حال شبابنا ما تغير والله رح تروح علينا حتى لو كانت عندو حمية قومية ...
الانظمة العربية كلها فاسدة ... اضربلك مثال ...
الجزائر ... والله في فساد غير معقول ... الرشاوي ليل نهار ... ما حدا سلم منها ... هلا في قواعد امريكية في الصحراء ... زد على ذلك انه الجنرالات هما الي يحكموا البلاد مش الرئيس !!! كله في الكواليس ...
اذن الشباب ضايع و نسب البطالة مرتفعة كل هادا بيؤدي لفساد الشباب ... هذا هو الحال في اغلب الانظمة العربية ... و الله المستعان.
بس اذا الشباب المسلم عاد لدينه رح يكون من السهل جدا تغيير الحال ...
الاعلام العربي ... حسبي الله و نعم الوكيل ...
اغلب القنوات الفضائية ما بتبث الا الرذيلة ..و البعد عن الله و عن الطريق السوي ... ابتداء من ام بي سي وصولا لدبي تيفي الي دمرت حتى مشاريع نشر وعي مقاطعة البضائع الصهيونية و الي ليل نهار بتسممنا ببرامجها المضللة ...
عشان هيك اقول انه الوعي الديني بيجنبنا هالمشاكل ... لانه الشاب من الاول عارف انه حرام ... فما بيتفرج اصلا و ما بيتاثر فيهن ...
اسال الله ان يهدي شباب المسلمين
و اسفة على الاطالة