[أنين]

المشاركة الأصلية كتبت بواسطة Banbon أعتقد انه كمان البنات الهم جامعات و طلعات .. مو بس الشباب ... !!!



أنا بقول انه الموبايل سواء كان للشب او للبنت اذا ما اله داعي و حاجه ....ما لازم وجوده ...
أول شي ... تبذير و منظره عالفاضي ... و هاد نوع من انواع التخلف ...
تاني شي ...تجنباً للمشاكل .... لانه الموبايلات اذا انحطت بالايدي الغلط مع ناس صغار ما بيميزوا.. بيصير مشاكل كبيره و انحراف مرات ... بسبب البوتوث و الرسائل و المكالمات الغلط ... خصوصاً انه هلأ البرامج اللي بالموبايلات شي بخوف ... تسجيل صوت و تغيير صوت و كاميرا تجسس و ...و ... الخ

و طبعاً ما في خوف من المشاكل اذا التربيه من الاساس صح ...
واكيد المفروض انه ما ينعطى قبل التوجيه و الوعي و الثقه ...


اما اذا كان الشب او البنت بيطلعوا و ممكن انهم يتغيبوا عن البيت لفتره ... فالموبايل مهم كتيييير
متل ما قال ابو نور ..... ليتطمنوا الاهل و كمان اذا احتاج شي بره يعني انقطعت السياره و او الفلوس او في مشكله يعني هيك ..... الواحد ما بيعرف شو بصير معه وهوه برا ...



بالنهايه ما في فرق بين الشب او البنت باستخدام الموبايل لانه اصلاً متل ما قلت اولاً عند الحاجه بينوجد
و المشاكل اللي ممكن يواجهها الشب او يتجنبها هيه نفسها اللي ممكن تواجهها البنت ..
و ما في فرق ... الفرق الوحيد هوه مدى الحاجه للوسيله .. كل اختراع هوه سلاح ذو حدين ... و المفروض انه نعرف كيف نستخدم كل شي بالطريقه الصح


شكراً عالموضوع ...و آسفه عالاطاله

كلام بنبون صح
100%