[عبير فلسطين]

وصلتني هالقصة عالايميل
وحابة احكيلكم اياها

سندريلا باللهجة الفلسطينية

لبست الفسطان وراحت جري عالكصر وشافها الامير وحبها وركصو سوا وفجأة دكت الساعة طنعش وجراي صارت ترمح وترمح ووكعت ببوجها عالدرج...
سندريلا راحت عالبيت واتمنت لو انو الساعة ما دكتش على الطنعش، بس شو تسوي بحظها المشحر مثل حظ هاظا الشعب...
الامير حط فردة البابوج على مخدة يمكن لونها زركة او نهدي، المهم صار ينادي بالصوت على كل البنات عشان يكسن البابوج، كسن كل البنات إلا سندريلا......
سندريلا نزلت عالساحة ومعها فردة البابوج، وحطتها على المخدة إلي عليها الفردة الثانية ولما كربت عشان تكيسها ضربها الامير كف وحكالها: وين جاي يما؟
حكتلو: يكطع وجهك ما أزنخك مش شايفني بدي اكيس البابوج؟
حكالها: وحدة مثلك كيف بدها تكون فلكة الكمر هديك؟
حكتلو: هسا بفرجيك وأحط على عينك
ولما اجت تكيسها ما طلعت كد اجرها، لإنها كانت ورمانة من كثر الشغل، ويا حرام ما حدا صدكها وانجنت المشحرة ودارت في الشوارع والامير اتزوج غيرها وحكى: لوينتا بدي أظل أدور عليها الله لا يردها هي الخسرانة:36_1_1[1]
ان شاالله تكون عجبتكم[/SIZE]