[محمود]

بالنسبة للوالد الله يحفظلنا اياه كان نادرا ما يكون في البيت

فمسئولية الترابية كانت على امي الله يخليها النا ويعطيها الصحة

امي لحد ثالث اعدادي ومتبعه معنا اسلوب العقاب ،،

يعني شي كف الحرمان من المصروف الفلفل القرص القشاط هههههههههه وشي هيك ..

بس الوالد مرة وحدة الي ضربني فيها بهداك الوقت

وانا صغير كنت مشاكس كثير ، مرة كنت لحالي فوق السطح

وبصراحة بدي اشي واتفشش فيه دارنا اعلى دار في الحارة

قولت بدي اجرب ارمي حجار كانو في يهود في الحارة ههههههههه

وناديت ابن عمي وكل حجر بنرميه بنقعد نكبر كانا فجرنا دبابة

المهم في كان في ولاد بلعبو بالحارة بس بالصدفة واحد كان مارر بمنطقه الاستهداف لهو الحجر بنزل على راسو

وخدلك عاد لا انا ولا هداك اليوم ،،

انزلت تحت وقعدت اتغدى ولا كأنو في شي ^^

هلا اخوي الأصغر مني كان في الحارة وهي الي حكى للوالد عني

وقتها عصب علي وضربني كفين لليوم ما بنساهم ..

بس ضلو ما يكلمني ثلاث ايام وانا وقتها عصبت وصرت اتجاهلو ،،

كان يعتمد علي في لما يروح من الشغل ويفتح المكتب

انو انا اضيف الناس واقعد معهم ،، ويا ويلك يا محمود كان ينادي علي ( بفكرني انو خلاص رضيت )

وانا مطنش وخلاص ما بدي ارد وقفلت مخي وقعدت اتفرج ع الرسوم المتحركة اظن كانت داي الشجاع

وقتها حس اني زعلان ، لانه اول مرة بضربني بصراحة ما توقعتها

ما علينا اعملت الواجب مع الناس بعد ما رضاني وثاني يوم كان عندي كمبيوتر جديد ^^

كيف عاد هههههههههههههههه

بس بصراحة امي كانت شديدة كثير علينا وقت الغلط اما غير هيك حنية بحت ، الله يخليلنا اياها وبفتخر انو عندي ام هيك ,,


الله يخلي الكم امهاتكم ويخليلي امي وشكرا توين لموضوعكـ ..

بس الترابية ازا ماكانت سليمة عمروا هذا الانسان ما بكون صالح لمجتمعه وحاله .. الخ ..