كل الحكايه مسخره بمحكمه حطوك
وبجو كله مسخره دون العدل حكموك
خازووق يابيي ما اكبره كلاب العرب شافوك
يا ابو عدي المفخره لا تفتكر عدموك
فاعت عليهم مدبره ودروب كلها شوك
كل الحكايه مسخّره بمحكمه حطوك
وبجو كله مسخره دون العدل حكموك
صدام ياصقر العرب حكمو بالاغتيال
مانالو منك يابطل اسطوره ياجنيرال
صدام يامجد الامه صدام يازلزال
صدام ياشرف الامه صدام يامرشال
يا ابو عدي ما يهمك صامد مثل الجبال
لو اعدموك رصاص كان اعتذر بالحال
ولو علقولك مشنقه لا استصرخت الحبال
ولا يهمك بو عدي المشنقه عندك فخر ارجوحه للابطال
من فلسطين يابو عدي ننعاك من كل جال
ننعاك وتبكي عيون وتبكي عيون رجال
ويبكي عليك الشعب ويذرف دمع اطفال
اما الخسيس الي طعنك هرج بطال
تافه ولا يسوى مسمار جوا نعال
ولا حتى بين الزلم يسوى كعب رجال
خاين واكلب من خاين مراوغ ودجال
الله اكبر ياعرب شوفه الزمن ميال
لا همكو شرف ومجد ولا همكو هالحال
راعي البقر حاكم وطن وناهب شرف واموال
متربع بقلب الوطن بالخاوه با ستفحال
ما مت صدام العرب لسه الدرب طوال
كل الحكايه مسخره بمحكمه حطوك
وبجو كله مسخره دون العدل حكموك
تاريخك يا بو عدي ما ينكر صفوك واحسانك
ولا ينكر انك اسطوره كوكب ساطع بزمانك
تاريخك اقوى ياصدام اقوى من كل واحد خانك
رح يلعن فيهم قايدهم ورح يلعن فيهم سجانك
رح يلعن فيهم سيدهم ويلعن فيهم كل من هانك
يلعن فيهم كل من سبك وكل من شجب وكل من دانك
من فلسطين هبينا بو عدي وعادينا الدنيا على شانك
شعب فلسطين يارفيق الشعب العربي الي صانك
كل الحكايه مسخره بمحكمه حطوك
وبجو كله مسخره دون العدل حكموك