المشاركة الأصلية كتبت بواسطة sanae
السلام عليكم و رحمة الله
كل ما قيل كلام جميل... لكن ماذا اذا و جدت نفسك مجبرا على دراست مواد لن تفيدك في شيئ و تنساها عقب الامتحان مباشرة اشياء تعرف انها لا تفيد و لا تعرف لماذا وضعوها في المقرر.هل لكي تكره كل الكتب ربما اعطي مثال دروس التربية الوطنية التي عندنا و التي تحكي عن سيرة الملك عن طفولته و شبابه....و حينما تبحث عن كتب لاختصاصك و لا تجد في المكتبة الا القليل و عندما يسافر الاستاذ و يتركك لاوراقك و عندما يكدسون الدروس و المهم فقط ان تنهيها ....و و عندما تجد نفسك مضطرا لعمل غبي لا يحترم مؤهلاتك و لا يحتاج مهاراتك و عليك ان تعمل فقط لانها لقمة العيش.....
هذا ما خطر لي الان من افكار ربما في فرصة اخرى افكار اخرى تقبلوا احترامي
كلامك ده للاسف موجود جوه دماغ اي انسان بيدرس لمجرد الدراسة
يعني لما بيفتح كتاب بيفتحو عشان وراه امتحان و خايف يسقط فيه
او عشان اهلو ضغطو عليه
او عشان هو مستلفو و لازم يلحق يقرالو كام ورقه قبل ما يرجعو لصاحبو
او بس عشان يتضاهر انو بيقرا و ينسب لنفسو صفة المتقف
بس للاسف كده غلط
و الغلط سببو ان بالطريقة دي عمرنا ما هنستفيد و لا هنفيد
اولا عشان بنسلب نفسنا صفة انسان
مهو الانسان مبيعملش حاجة من غير اقتناع
و كوني بقرا حاجة انا غير مقتنعه بيها ده معناه اني ضعيفة
تانيا عشان بنعود عقلنا انو يشتغل كده و خلاص من غير ما يستوعب هو بيشتغل بيعمل ايه
كونك بتفتح كتاب و تقراه و تخرج بعد ساعة من قرايتو مش مستوعب و لا كلمة
معناه انك خلاص
اتفقت مع عقلك
و ساعات يمكن تكون ارغمتو
انو يتضاهر بالعمل من غير ما يعمل
علمتو انو يغشك بارادتك
تالتا بتحرم نفسك متعة كبيرة اوي
انك تتعرف على حجات جديدة تقدر تفيدك في مجالات مختلفه
منا متلا كنت بدرس علوم طبيعية
طيب هتفدني في ايه اني ادرس الصبغيات و قوانين الاحصاء و مكونات الخلية و الحجات دي ؟
اكيد لو اخدتها من نقطة اني هستعملها و هشتغل بيها
هقول دي حجات فاضية
بس لو اخدتها كتقافه عامة
هستفيد منها دلوقتي و هصبر نفسي بيها لحد ما احتاجها
هعرف اني متلا مش لازم اتجوز حد قريب ليا عشان فيه احتمال يبقى فيه تشوه
هعرف ان كوني اجيب ولد فصيلة دمو o و انا a و باباه b ده مش معناه انو مش ابننا
حجات كتيرة من دي هستفيد منها
بس انا مش عارفه
لانو محصلش موقف خلاني استغلها
يمكن تقوليلي طب العلوم و فهمناها
الرياضيات متلا
انا هيفيدني ايه اني اتعلم المعادلات و حلها و ادرس نضريات و ادرس احصاء و ادرس الالجووريتم و جدور مربعة و مش عارفه ايه تاني
لازم تعرفي ان دماغنا لو مرناه انو يشتغل رياضيات و عودناه عالمعادلات و المسائل الصعبة
هيعتبر تمرين دهني ليه
بيساعدو انو يبقى اكتر استعداد لتقبل اي مشكلة و استيعابها
بيديه رد فعل سريع و صح على اي مصيبة
( لو جاز استعمال الكلمة)
بتواجهو
ده لو اخدناها من الناحية النفسية
لو جينا نشوف الموضوع من زاوية استعمالات العلوم الي احنا بندرسها في حياتنا اليومية
فاكيد محدش هينكر انها مهمة جدا
يمكن تخصصك هيحتم عليكي تحبي مواد معينة و مواد تانية لأ
بس ده مش معناه ان المواد التانية دي لا اهمية ليها
لأ
خالص
انتي مش هتحتاجي تتعمقي في الهندسة عشان طب اسنان متلا
بس المهند س المعماري ميقدرش يستغنا عنها
لو اخدنا ان احنا بندرس عشان نتقف نفسنا و نوعيها و يبقى لينا اطلاع بكل ما يجري حوالينا
هنحب دروسنا
هنحب التاريخ مع انو خلاص عصر و انتهى و مش هنستفيد منو حاليا بحكم ان احنا اولاد النهردة و عصر السرعة و مش عارفه ايه
هنحب الكيمياء مع اننا مش هنطلع علما و لا هنخترع محاليل و تركيبات جديدة
هنحب كلو عشان هنستفيد من كلو
ده رايي