[نور اليقين]

انا بحملها دلوقتي
بس قبل ما اسمعها كونت فكرة عن مضمونها من ردود الاعضاء
و انا كمان بدي اديكم بعض الامتلة الواقعية اللي انا بنفسي عايشتها :

عندي واحدة صاحبتي ضروفها وحشة جدا
اولا هي يتيمة و وحدية امها
بعد وفاة والدها عاشو معاناه مادية صعبة جدا
فاضطرو ينقلو لاوضة فوق السطوح
البنت تعبت نفسيا جدا بسبب التحول الكبير ده
خاصة انهم كانو ميسورين جدا
في ضل التعب النفسي اللي كاد ان يتحول لانهيار عصبي و اكتئاب
اتضاف لهمهم هم خالتها اللي طلقت و شردت و ملقتش مكان تأوي ليه
غير الاوضتين اللي فوق السطوح بتاعها هي و مامتها
البنت حالتها تدهورت اكتر
و مش دي نهاية مأساتها
الام اضطرت انها تصرف على بنتها و دراستها و مصاريف علاجها اللي كانت بتكلف تروة
و كمان على اختها و بنتها
العوز و الحاجة كبرو عندهم
و بردو حالة البنت في تدهور مستمر
لدرجة فكرت في ترك دراستها
دامت معاناتها مدة طويلة
لحد ما بلغت 20 سنة
السن ده كان نهاية مرحلة لو قورنت بالمرحلة الحالية
لاعتبرت مرحلة عز رغم العوز اللي كانو فيه
عشان المعاش اللي كا بيتصرفلها اتخصم للنص بسبب تعدي البنت لسن ال 20
البنت هنا فكرت في الانتحار لولا ان ربنا هداها ببنات على هداية من ربنا
قربوها منو و حبيبوها في الحياة
ففتحها ربنا قدامها
لقت شغل كويس و درست و جابت معدلات ممتازة و ربنا حبب فيها خلقو فلقت مساعدة من كل الناس
مع حفض الكرامة
هنا ربنا اراد اختبارها
بعت لهم بنت مشوهة جسديا
يعني بنت عمرها مش عارفه
لما سألتها قلتلي يمكن 18 سنة او اكتر
بس حجمها حجم بنت 5 سنين
و بجد حالة نادرة
ناس في وضعهم كانو هيسيبوها للشارع
هما لأ
اخدوها و اعتنو بيها و اتشاركو معاها الاوضتين اللي فوق السطوح
معاها و مع خالتها و بنت خالتها
هنا بسبب ايمانها بربنا و ارادتنا و تفاؤلها
اتخدت من كل الحجات السلبية دي اللي تسببت لها زمان باكتئاب و رغبة في الانتحار
دافع لتحسين الدات
مش عشانها
بل عشان اهلها و البنت المسكينة دي
اججتهدت و اجتهدت و الحمد لله دلوقتي قدرت ترجع شوية من مستواهم المعيشي
و بجد تعتبر قدوة
عشان مهما حكيت مش هوصل اد ايه نفسيتها كانت وحشة