المشاركة الأصلية كتبت بواسطة حلوة وعارفة حالي
كلام جميل اخ احمد لكن بعتقد انو بالواقع الموضوع بيختلف
انا حكيت قبل انو الاب لما يفكر انو يختار شب ليتقدم لبنتوا اكيد بيدور على الاحسن لالها
وراح يدور على الشب المتدين الي راح يصون بنته
ويحس انو بنته بيد امينه معه
لكن العالم ما بتحترم الطيب
وعطول هيفكرو ا النو البنت ما اجاها حدا مشان هيك ابوها بدو يزوجها ويخلص وبس
وممكن يعايرها فيها
واهله كمان يضلو يعايروها
مع انو المفروض ان الشب يشوف هدا الشي انو اطراء لاله ويحترم انو الاب شاف انو
ممكن يامنه على بنته
وانه زوجه مش طمع بمهر ولا شي بس بدو الستر لبنته
ويكون قد هالمسؤليه
لو كان الشب بيفكر بهاي الطريقة اكيد اي بنت ما هيكون عندها مشكلة بالموضوع
مهاي المشكلة أختي
مجتمتعنا مليان أخطاء
والبركة باجيالنا تصحح الاخطـاء الي صارت
لكن كوني واثقة انو ما عندي مانع مستقبلا اني احكي لشب بخاف ربنا تعال ازوجك أختي ..
وعلى فكرة واللـه حصلت هاي الاشياء .. انا كنت عايش في الاردن فترة دراستي وخالطت الدين والغير دين .. وصدقيني في مجتمعات أهل الدين والي بخافو ربنا المسألة مش صعبة .. وبتصير بينهم هاي الامور ..
على العموم املي في جيلنا كبير
اللـه يوفق الجميـع