[نور اليقين]

كلنا بنكره مع علمنا ان الكره وحش
و محدش بيتمناه
بس بردو بنكره
و كلنا بنمرض مع ان محدش بيعوز يمرض عشان المرض وحش
بس بردو بنمرض
و كلنا بييجي علينا يوم و نتشاءم
مع اننا عارفين ان التشاؤم مرض و نتايجو سلبية
بتخليك تدي خطوة لقدام و تلاتة لورا
بس بردو بنتشاءم
عشان ده رد فعل بسيط جدا قدام الحياة و صعوباتها و مشاكلها و صدماتها اللي مش بتدينا وقت و لا فرصة
عشان نفكر ازاي نحل الاولنية قبل ما تيجي التنية
وحدى بتوعينا على وحدة تانية و تالتة و رابعة و يا عالم فيه خامسة و لا لأ
التشاؤم على فكرة ملاذ اداهولنا
ربنا زي ما ادانا النسيان نعمة بردو نهرب بيها من مشاكلنا
تصورو لو مفيش تشاؤم
كان اي واحد هيلاقي مشكلة في طريقو
هيبقى مخير
يا يقوم و ينهي حياتو عشان ينهي مشكلتو
يا بردو ينهي حياتو بس عشان يريح نفسيتو
اقلو التشاؤم بيبقى حالة نفسية
بتيجي و تروح
يمكن تاخد وقت
بس لازم تروح
و محدش يقدر يلوم او يعيب على اللي بيتشاؤمو
معدورين
و مضلومين
و الدنيا اللي ضلماهم