[نور اليقين]

13* ما هو انطباعك عن السياسه؟
عالم غريب بتحكمو قوانين بردو غريبة
مفيش مشاعر و اخلاق في كتير ساعات
بس الكل بيحبها و يحب يخوض فيها
تقافة بحد داتها
عشان تفهمها لازم تدرس تاريخها

14* متى تخجل من نفسك ؟
لما بعم حاجة انا مقتنعه بعكسها
لما بفضل اتناقش وبقلبو نقاش دكتاتوري و ببطل اسمع لحد
بخجل من نفسي اوي ساعتها

15* في زمن البحث عن المادة ،عن ماذا تبحث أنت؟
التسامح مع نفسي

16* لو رجع الزمن بكـ إلى الوراء _ فرضاً _ إلى أين تريده ان يتوقف بك ولماذا ؟
و يتوقف ليه
لو اتوقف عند مرحلة معينة انا حبيتها عشان جمالها و براءتها
هكرهها و هتبطل جميلة في نضري
عشان جمال افترات اللي فاتت ان احنا عشناها بعقل بريئ طفولي مبيركزش عالعيوب و ما بيقلبش عليها و مش عايز يفهم اوي عشان ميتعبش اوي
فلو رجعت هطول
و مع المدة هكتشف اكتشافات الافضل اني ما اكتشفهاش

17* هل مررت بلحظة يأس شعرت انك محطم ؟ وماذا فعلت بها ؟ وما الأثر الذي تركته عليك ؟
لسة فاكرة اول مرة اكتشفت ان الدنيا وحشة
صدمت و زعلت و عيطت كمان
بس بعد كدة اخدتها ببساطة
قلت الحمد لله
و اكتشفت في الموقف ده اد ايه الكلمة دي عجيبة
بتريحك فعلا اوي اوي
و اخدت الحياة ببساطة
و كانت عبرة ليا
ان اللي فيه الخير ربنا بيعملو
و نصيبك هتطولو هتطولو