[نور اليقين]

النصيحة حاجه حلوة
انتقاد ناس كتيرة بيتمنو يتعرضولو
عشان يحاولو يصلحو من نفسهم
بس النصيحة ليها اصول
يعني زي ما اللام ليه ادب و الحوار ليه ادب
بردو النصيحة ليها اداب كتيرة
اولها الاسلوب : اكلمك باسلوب هادي جدا احس فيه انك بجد عايز تنصحني و خايف عليا وامري بيهمك
و الا خليك في حالك
عشان فيه ناس كتيرة زي ما قالت متلا لولو بييجو و كلهم تعصب و تشدد و بيتكلمو بصوت عالي و خلق ضيق
فدي مش نصيحة
دي فرصة و اجت لحد عندو عشان ييجي يقلك اللي في قلبو نحيتك
و يبرد النار اللي فيه
و جت عليك انت
تانيها المعرفة : المعرفة بالشيء اللي هينصحني بيه و بيا انا شخصيا
يعني عشان الواحد يقدر ينصحني اني اعمل كدا و ما اعملش كدا
لازم يكون هو الاول بيقوم باللي بيطالبني اني انا اقوم بيه
و لا عيوبي لا اراها و عيوب الاخرين اجري وراها زي ما قال عيسى في موضوع ليه ؟
و لازم يكون ليه معرفه بيا انطلاقا منها يقدر يحكم انا فعلا محتاجة النصيحة دي و لا مش محتاجاها
متلا فيه بنات متبرجات بييجو عن بنات متبرجات بردو و بيقولولهم انتو لازم تتحجبو
طب ما تتحجبي انتي الاول
فيه شباب بييجو عند بنات و بيقولولهم انتي صوتك عالي حاولي تتكلمي بصوت واطي
النصيحة غير مقبولة عشان ما بيعرفش هل دي طبيعتي و لا بتصنعها
لو طبيعتي فصعب اغيرها و النصيحة غير مقبولة
بس لو بتصنعها فمتشكرة عالنصيحة
يعني لازم يعرفني قبل ما ينصحني زي ما قالت فراشة
و اهم حاجه النصيحة وسط الناس فضيحة
و رابع حاجه :مادام حضرتك فكرت و قررت انك تنصحني
يبقى لازم تدخل معايا في حوار
تقنعني
مش ترميلي كلمة و تمشي
بحجة انا مش مستعد اتحاور معاكي
و الحجات دي مفيهاش نقاش
متجادلينيش
طب ما دام مش مستعد تدي معايا في الكلام و تبينلي انك على صواب و اني انا الغلطانة
اديت لنفسك ازاي الحق انك تيجي عندي و تقطع عليا كلامي او عزلتي او اي حاجه انا بعملها
و تقلي حاجه مش ايجابية بالنسبالي ؟
افتكر يا تكون النصيحة بالاسس دي
يا ما تبقاش نصيحة
و سوري عالاطالة