رد: الاخ الشاعر ابن الجليل تفضل - الشاعر لطفي الياسيني
بحييك يا كبيرنا ورمز القضية ابو الياسين الك امتناني
شعرك جايي من ارضي الأبية وزجلك والله يا جدي شجاني
صيتك وصل لمصر البهية وللاندلس نادو فيك والقيروان
ومن هون شامم ريحة ميرمية طالعة عالجبل زعتر وزعفران
يا جليلنا الاخضر يا نور عينيي باقي بقلوبنا طول الزمان
ابو الياسين لطفي بجذورو القوية شجر زيتون بالرامة جيراني
انا صغير حافظ هالابجدية ومن شعرك رب العرش سقاني
وعلى دربك ودرب جدودي هنية نمشي للتحرير واليوم حانِ
انتو الأصالة والنفس الزكية والي بينكر اصلو ع حالو جاني
شو فاد هالوطن من غير الأهلية يلي بنوه وعلولو العمدان
انا ما زلت شاعر بدرس بكلية وانت المعلم فينا والاصفهاني
مع احترامي وتقديري لشخصك الكريم يا جدي العزيز
|