يا لطفي يلي سميت حالك شاعر ناديت التحدي والمعاني
جيتك انا والروح تنطق ومن التحدي انبرا لســــــــــــاني
حامل معي سلاح المقاوم والقلم محفور باسمي وعشـاني
لاجلي غنى البلبل الصداح والطير ما حفظ غير الحـــاني
يوم الي اقول ابن الجليل تلاقي الشعر والحرف حــــــاني
يوم الي طلع الشعر قالو ميلادي وقالو عني عنتر زماني
الحب انخلق بعد ما كتبتو ولحنتو وزينتو باجمل لوانــــي
والوطن زاد بهيبتو وجمالو لما وصفتو عن دون اوطاني
سهرت عالزجل في وقتو والشــــعر بكلامي زاد مــيزان ِ
لما بقول كلمة زجل والناس تشد رحالها ع مهـــــــرجاني
انا الي النهر تعلم هدوءي والقـــــلب زاد حنانو من حناني
انا الي رسم لوحة أصالة بضربة ريــــشتي خلدت الواني
انا كلامي كحد السيف ماضي ما بغمده لو لميـــن ما كان ِ
انا الشهــد عملتو بحروفي والعسل ينقط منو في نيـــــسان ِ
لو انت ابن الشاغور خاب ظنك انا ابن الوطـن كلو ناداني
والطير لما يسمع حروفي تلاقيه يطير من غير جنـــــحان ِ
ويافا وحيفا وعكا جذوري وما بنسا الناصرة ولا بيــسان ِ
شعري مثل راس النبع محلا مذاقو ومبروكة هي الحــاني
حروفك يا لطفي صارت عجـوزة ولحروفي ما ان الاوان ِ
خلي الشعر للحاملين همو مثلي انا بالشــــــعر ما الي ثاني
صحيح اسمك ياسيني بس انا اصـــل الياسين والحورانـي
هات لـنشوفك شو راح تحكي ولا انقطع سيفك بحد لساني
بستناك مثل فارس زمانو ورافع راسي ما بين اخـــــواني
مع تحياتي