[نور اليقين]

_ من أنـــــت .............؟
بالمنتدى انا نور اليقين
و كنت بتمنى اكون فعلا نور اليقين
2_ باقة ورد لمن تهديـــها.....؟
جوة المنتدى : مش لناس كتيرة , يمكن كل المنتدى ياخد مني وردة , وردتين , بس باقة بحالها , قليلين اللي هياخدوها مني
عربون محبة و احترام و تقدير
و فيه ناس تانية هتاخدها عربون رخامة و غلاسة
ههههههههههههه
برا المنتدى : مش هديها لحد عشان اي حد مش بابا و لا ماما و لا اخواتي و لا من عيلتي هيفهمها غلط , فمش هديها احسن
عشان اريح دماغي
3 _ باقة شوك لمــن تهديـــها......؟
يووووووه
كتار جدا
اي صديق او صديقة غدرو بيا
اي حد قال عني كلمة مش صحيحة
اي حد صاحبني عشان مصلحتو و لما انقضت نسيني
اي شخص استغلني
مفيش اسامي عشان هفتكر ايه و لا ايه
4 _ اســـوأ خـــبر سمعته............؟
يوم ما رجعت البيت لقيت جدي مريض جدا و في المستشفى
و نفس الخبر مع جدتي
ربنا يطولي في عمرهم
هما حياتي
اغلى ما عندي
اعز عليا من ماما و بابا
بكتيييييييييييييير اوي
5 _ شخــــص لا ترفـــض له طلـــب...؟
هما بردو
جدي و جدتي
خاصة جدي
اموت و لا اقلو لأ
6 _ من يـــــطربـــــك..(مهو شرط مطرب ...أي صوت في الحياه)؟
و لا واحد بصراحة لو جينا من النحية الفنية
بس بحب اسمع صوت المطر و الدنيا هادية
مفيش غير صوتو و هو بينقط كده برة
بحب عامة صوت عدير المية
و انا صغيرة كنت لما اروح مكان فيه رك مية ارمي الجر بس عشان اسمع الصوت هيبقى عامل ازاي
بموت فيه انا
7 _من هو تــــوأم روحـــــــــــك.....؟
مفيش حاجه بالنسبالي اسمها توأم روحك
توام روحك يعني رفيقك لمماتك
و دي حتى الافلام بطلت تعملها عشان عارفة انها مش موجوده
بس زمان لما كنت لسة عقلي صغير كنت بقول ان وحده صاحبتي اسمها سامية توام روحي
كنا افكارنا زي بعض
يعني بنيجي لبسين زي بعض
مشطين زي بعض
لما بنحب نتكلم ساعات بنقول نفس الكلام
بنفهم بعض من نضراتنا
كان بنا كود محدش يفهمو غرنا
مامتها زي مامتي بالضبط
ساعات كنت بقول ان احنا فعلا توام و لما انولدنا كل وحده اخدتها ام
فمرة سالت ماما فعلا هي ولدتني فين و ازاي وولدت وحدة و لا اتنين
عملت فيهاكونان
بس قضية خسرانة طبعا
هههههههههه
8 _ ما هي التجربـــه التي تتمنى تكرارها..؟
التانوي كانت مرحلة جميلة جدا مع انها بصراحة كلها صياعة
هههههههههه
صياعة بنات يعني مش صياعة صياعة
كلها لعب و هزار و ضحك مش فكرة اني كنت بحضر دروس كتير بس كنت متفوقة و ده اللي خلاها مرحلة لا تنسى بالنسبالي
التحدي اللي كان بيني و بين الاساتدة اللي بيشوفوني بس اوقات الامتحانات و مرات قليلة برة الامتحانات
اجمل احساس هو انك تتحداهم و تكسب التحدي
بس مش في سياق خارج عن الادب
عشان من علمني حرفا صرت له عبدا
9 _ما هو اكثر شئ تخشــــاه....؟
الضلمة
عشان انام لازم النور يفضل مولع لحد ما انام بعديها تيجي ماما تطفيه
عشان لو نمت و هو مطفي
مش هعرف انام اصلا
خيالي واسع
فبفضل اتخيل كل حاجه على انها
يعني
بسم الله الرحمن الرحيم
و انتو عارفين زي ما انا عارفه
بس رغم بخاف
انك لو فضلت تبص في الضلمة هتبتدي تشوف نقاط كده حمرا او صفرا
ناط ملونة
دي حاجه عادي
بس رغم اني عارفه ده بترعب
بتخيل حركة الريح ان حركة حد معايا في القوضة
بتخيل نسمة الهوا حد مر من قربي
بتخيل لابعد الحدود
بضحك على نفسي اول ما اصحى و بقول ايه الهبل ده
بس اول ما الضلمة تنزل
ترجعلي الفوبيا تاني
احنا بتنا تعرفوه من بعيد
عشان هو البيت الوحيد اللي كل غرفو مضوية
هههههههههههههه
10_ ما الذي يشعرك بأكثر قدر من الحرج........؟
لما حد يفضل يبصلي كتير
بنحرج و بتدايق كمان
و لما حد يجاملني و تكون مجاملتي يعني عن احساس صادق منو و انها تكون في غير محلها
يعني يكون متصور انك ملاك و ات جواك عارف انك مش كده
زي ما تقول بتخجل من نفسك انك وحش
يا ريت تكون الفكرة وصلت
11_ نـــزار شاعر المرأة وانت شاعر من...؟
و الله مليش في الشعر لو كان ده المقصود
بس بس بشعر بطريقة غير الكتابة
و في الحالة دي نقول اني شاعرة الامعقول
ههههههههه
12_ حمامة زاجل استقرت على نافذتك تحمل رسالة من مجهول فمن تتمنى ان يكون؟
من المنتدى ؟ نشووو و بودي
مش
نشووو او بودي
بتمناها تكون رسالة مزدوجة يكونو كاتبينها هما الاتنين
من اتنين صحاب لوحدة اختهم
و الله لو كان لي هدا
هبقى سعيدة جدا
13_ جريمة تتمنى ارتكابهــــــا.......؟
النسيان
اه و الله
النسيان اكبر جريمة في حق ناس فاكرينك و مستنيين منك كتير حجات صعبة عليك بس هما مؤمنين انك قادر عليها
لو كان قلبي يطاوعني كنت اجرمت و نسيت كل الدنيا
بس عشان الاجرام وحش و انا مش وحشة
مش هنسى
14_ قطعة فحم صغيرة وجدار نظيف ماذا سترسم عليه وماذا ستكتب تحت الصورة ؟
بنت و بنت
يعني اتنين بنات
مسكين بايد بعض
و مشيين في طريق طويلة
و مضلمة
على جنب الطريق دي شجر و حيوانات متوحشة و حجات مريعة زي دي
بس طريقهم منورة و هما فرحانين و نهاية طريقهم
فيه باب
وراه مامعناه الجنة
و هكتب
دي انا لو انتي كنتي معايا
15_ كلمة اخيـــرة ...... بعد ان أصابك الملل............
قلبت عليا احزاني
بس متشكرة عشان جميل ان الانسان يحزن كام مرة في اليوم
عشان لما ييجي يفرح يبقى لفرحو احساس