أنا مش ارهابى.......
انا مش ارهابى ولا انا مختل
انا بحمى ترابى من المحتل
انا لو مش فاهم او عارف
قولى انت يا فاهم ايه الحل
*********
انا مش ارهابى ولا انا سفاح
انا اسمى عرابى وعلى وصلاح
انا اسمى صمود ونضال وكفاح
انا اسمى التل اللى ما يختل
لا هشوف افراح ولا يوم هرتاح
غير لما الهم يغور ينزاح
ويوم التحرير ع القدس يهل
***********
ثورى فورى يا ارضى كونى بركان
واحرقى شياطين فى صورة انسان
قومى ثورى وفورى كمان وكمان
واقتلى شياطين فى قلوبهم غل
************
يا ظالم مهما تهددنى
صوريخك مش هتخوفنى
ده انا ابنى شهيد ومحلفنى
قالى اوعى يابويا فى يوم تنذل
*********
انا مش ارهابى ولا انا مختل
انا بحمى ترابى من المحتل
منقولة من احد الصحف اليومية وللأسف مش فاكرة اسم الكاتب
|