[Twin]

مرحبااا ابن فلسطين .. قبل ما ارد عليك .. بدك تتحملني شوي بس والله اني قرات الئصه مبارح وعلطول طفيت الكمبيوتر وضليت افكر طول الليل يعني ضيعت علي النومه ،،هههههه .. الت ما بدي اتسرع بالرد عليك لانه عن جد موضوعك بهمنا كلنا بما انك لجئتلنا ...

بس هوه نفسووو الشب الي ( جرحته الايام وما زال يريد ان يعرف نهايه هذه الايام ) ..

راح ارد عليك بمقاطع وانت ترجع تعلق عكل رد لحالووو لحتى اشوف رايك .. اوكيه ..

# اول شي هاي بنت خالتك الي حبيتها ماتخليها مأثره عليك وعلى حياتك كتير .. لانه انت حبيتها وانت زغير ،، مش بالعئل بس بالسن وبالتجارب بالحياه .. واشي طبيعي انووو بنت خلتووو لهل شب تسيبووو لانه لسه ما كون حياتووو وحتى لو مبسوط بعيشته متل ما بتؤل .. اول شي بعئلك فكر ،، زغير وبده يكمل جامعه ولسه بدووو يشتغل .. والبت عاده بتتجوز ابل الشب ،، مش معئول تستناك لتصير 24 سنه او اكتر .. فما تئهر حالك عليها .. لانها نهايه طبيعيه ومفروض تكون متوقعها ..
----------------------------------------------------------

# تاني شي بدي احكيلك هل موضوع انا حطيته منهج لحياتي .. مره كنا بحصه لغه عربيه وابلتنا استازه كبيره وفهمانه بالحياه وكانت تحكيلنا عن ولادها الشباب بسنك تقريبا ،، وكانت مخصصه الحصه للحكي هادا اللي هوه موضوعك .. فحكتلنا كلمه لايمكن انساها واقنعت كل اللي بيحبووو .. الت انوو انتوو لسه عمركووو 17 يعني لسه باول الحياه وكل البنات مهما يكون بالبهم نفسهم يحبووو وينحبووو فالت ما تتسرعووو وتعلئووو حالكووو بشخص .. لانه هيك راح تظلمووو حالكووو كتير وتقيدوو حالكووو من صغركووو .. التلنا انوو متلا اتجوزتووو لما خلصتووو تعليم وتجوزتوو الشخص الي حبيتوه وانتووو لسه 17 سنه راح تلائووو حالكووو مليتووو وزهئتووو عيشتكووو ولسه هتعيشووو معاه بائي العمر .. مستحيل تئدرووو تكملووو لانكووو بطبعتكووو زغار والزغار بيحبووو يطنططو وما حدن يقيدهم ..

-------------------------------------------------
# تالت شي : انا كان عندي وحده صاحبتي زي حاله صاحبك .. تعرفت عابن عمتها عالتلفووون بس ما عمرها شافتووو وكان نفس سنها .. وكنا كل يوم نئعد مع بعض وتحكيلنا كل شي فانا كنت اقوللها نفس هل كلام الي بئولك اياه وهو ابن عمتها بس ما امنتلووو لانها تعرفت عليه عالموبايل بس بجد حبها وحبته .. ورغم هيك قررت تحط حد لهل موضوع لانها شافت مصلحتها انووو غلط هادا ولانها بعدها زغيره هيه وياه .. وساااااااااااااااابته بارادتها وهوي تفهم .. ليش صاحبك ما يكون واقعي ويتفهم .. ويسيبوو من حب النت الواااهم .. واتحداك انها ما رح تستناك .. ولو ضليتك تحكيلها من هون لبكره انك بتحبها راح تعمل حالها مو مقتنعه لانك بعدك زغيييييييير وهيه فاهمه عالم النت بغض النظر عن الكويسين فيه ..

------------------------------------------------------------------

واسفه لاني جرحتك بالواقع وتاكد انووو كل كلمه التها والله والله طلعت من البي لاخ محتاج نصيحه اختووو الزغيره ولا الكبيره مش عارفه ... المهم يارب ما اكووون طولت عليك وتالت دم ويارب تستوعب كلالالامي وما تشلفئ تشلفئ القراءه ... واحكيلي ايش بتقرر .. ( ما تكابر ) بعرفك عنيد وعندك عزه نفس .. لاترمي مشاعرك لاي حد وخصوصا عالنت ويارب اجي بكره الائيك مغير عنوان الموضوووع .. . و في امان الله ولا تنسى تجيب صاحبك يقرا الكلالالام . :-)