[منار إبراهيم]

بص انا الصراحه بعد فتره طويله اوي على النت ده ومن اللى شوفته ومن اللى عرفتهم انا مش مؤمنه بالحب عن طريق النت خالص خالص

اولا لما مثلا الاتنين بيتقابلوا بعد النت او بيتكلموا فى التليفون بيبان الفرق فى العلاقه اهوه كده العلاقه بتبقى حقيقه وفى نفس الوقت بيكون فى تعليقات كتيره
بجد الناس على النت غير الناس فى الحقيقه خالص

وانا شايفه ان علاقات النت دي اغلبها لو مكنش كلها محتوم عليها الفشل الزريع
الحل اللى ادامه ان البنت مش بتقتنع ان اي شاب جاد غير لما ياخد خطوات جاده يعنى هو على حسب كلامك معاه فلوس خلاص يقابلها ومعاها حد من اهلها مثلا اختها حاجه كده و يشوفوا بعض لو لقوا ان فيه قبول والعمليه شغاله كويس خلاص يروح لاهلها ويطلبها ويجهز نفسه للزواج منها مدام بيحبها

طبعا الكلام ده لو كانت معاه من نفس البلد اما لو كانت من بلد تانيه فعايزه اقولك يبقى الحكايه دي مستحيله

يا ريت لو تقولى لو فى معلومات او تفاصيل تقدر تساعد فى الحكايه دي

ورينا يوفق صاحبك ويوفقك