[ابو جروح]

حبيت انقل لكم هذه القصيده اعجبتني عن البنات بس هاي المره معكم مو ضدكم يا رب تعجبكن يا بنات

من يقول ان النسا كـل النسـا متساويـا
التجـارب علمتنـي وفتحتنـي ونورتـنـي
سامحوني وأسمحولي وأعذرونـي ياخـوات
الحكايه صدفه وحده جات عندي ونشدتنـي
بصراحه أنشدتنـي قـول رأيـك فالبنـات
لا أكذب لا أجامل فـوق مصحـف حلفتنـي
قلت لحظه واستريحي وعالنبي الف الصلاة
ما ازور فالحقايق وانتـي الـي خابرتنـي
كان قصدك تحرجيني ويا احلـى الكائنـات
شوفي قبلك كم وحده بالشطانه ما غلبتنـي
النسـا محـلا النسـا منقبـات وسافـرات
مره وحده اجرحتني وجات الاخرى عالجتني
البنات ألهـن مزايـا كامـلات وناقصـات
انتي مثلا يالعبيطه رغم جكـرك عاجبتنـي
تعجبيني لا خفيتي شي خلقـك بالعبـات
وان تمايلتي شويه قلـت هـذي اذبحتنـي
من غلاكم ودي ارجع صوب عصر الجاريات
من غلاكم ودي املك كل وحـده ناظرتنـي
من غلاكم قال ناصـر النسـا سكـر نبـات
من حلاكـم قـال خالـد البراقـع اخلفتنـي
قاطعتني وهي تردد كـل حكيـي مجامـلات
ابصراحه يـا جماعـه هالهبيلـه ابلشتنـي
ضايقتني بالسوالف لين جبـت الصافيـات
وهي تضحك وتغامز تحسب انهـا غالبتنـي
ما درت اني مدافع عن حقـوق السيـداات
لو تحاول الف مره عن طريقي مـا ثنتنـي
افهمي بعض الحقايق واخذي العلـم الثبـات
البدايه فـي سؤالـش والقضيـه هيضتنـي
كـم عاقـل جنننـه هالبنـات الناعـمـات
وكم خبلن سنعنـه هـذي الـي اعجبتنـي
لا وطـت بيتـن تعـزه للمراجـل رافعـات
الرجل قام يتباهـا بنـت ابوهـا ساترتنـي
محشمـات مأدبـات مصليـات وصايمـات
هن بنات وهن خوات وامي اللي ارضعتنـي
من غلاهم وصا ربـي بالنسـا المؤمنـات
وانتي جيتي يالهبيله فـي غلاهـم لايمتنـي
منهو يقدر يوفي حقن من حقوق الامهـات
والا زوجه في همومي شاركتني وقاسمتنـي
استـدارت ثـم قالـت والنسـا الضايعـات
هـي تبينـي اتكلـم باللعانـه ضايقتـنـي
كيف اخالف شرع ربي والنسـا محصنـات
لو يزل ألساني كلمه فـي جهنـم أحذفتنـي
اتركي الموضوع احسن يعني كافي مناقشات
ثم راحت وهي تتمتم يمكن انهـا افهمتنـي