[ابو جروح]

طاح حظي من رداته وانتخيت اقوى الرجال
.............................. والتفت وما لقيت حولي الشخص العوين
ورحت تايه في طريقي التفت يمنى وشمال
.............................. وادعي الله بكل خطوه انه لوضعي يعين
وصدفة من دون موعد التقي بنت الحلال
.............................. ما عجبها لون وجهي قالت اشوفك حزين
قلت لا ماني حزين بس ارغب في انعزال
.............................. وما استجابت لأنعزالي واثرها ثعلب فطين
قالت اسمع لا تحاول تنسحب من هالسؤال
.............................. انت ما شفت المرايه؟ حزنك مغطي الجبين
صحت فيها دون ما ادري اقطعي هذال الجدال
.............................. هذا حزني وانا خابر وضعي قدامك مهين
قالت اعذرني وانا ادري كل مقام له مقال
.............................. بس حزنك ما عجبني واحس في صوتك ونين
قلت فيك الخير والله بس انا همي جبال
.............................. وانتي توك ما اظنك ذقتي الام السنين
لو يجيك الي يجيني صابتك موجة هبال
.............................. ناصحن واخذي كلامه روحي الحين اتركين
قالت بنبره حزينه ما يخالطها دلال
.............................. لا يغرك في جمالي اني ما شفت الانين
انا شفت الي تشوفه وصارت همومي ثقال
.............................. ومن كثر همن اشيله اكتشفتك انت مين
انت وجهك فيه لمحه وهقوتي فاقد وصال
.............................. انت اول كنت تعشق وظني بك جرح دفين
ونقًضت فيني جروح ونزًلت دمعي همال
.............................. قلت يكفي بس والله حظي ما ظنه يزين
يا خفيفة ظل روحي والله حاديت الخبال
.............................. وخلني بهمي وضيقي وطالبك لا ترجعين
قالت انت اغرب عشيقن ما طلع من هالخيال
.............................. عش حياتك مثل غيرك لا تغدي مثل السجين
شف دروب الحب هذي والله ما فيها عدال
.............................. من سلكها راح عمره ينزف الصدق الحنين
والا لاع البعد قلبه وقال انا حبي محال
.............................. وعاش عمره في تعاسه واصبح لجرحه رهين
وخذها من بنت نصيحة يوم خلوك الرجال
.............................. وتأكد اني ما ابي لك شر او فعلن مشين
انسى كل الي مضالك وانسى الام الليال
.............................. واعتبر ما صار كله غلطه وربك يعين