[نور اليقين]

موضوع حلو هتلاقي فيه دموع كتيره
عن نفسي فيه حجات كتيره حلوة حصلتلي انقلبت احزان و رغم كده لسة بختزلها في داكرتي , غصب عني مش حبا فيها
* مرة و انا صغيره كنت دلوعه اوي اوي , و اي حاجه بعوزها لازم تحضر في ساعتها , شفت عند وحدا صاحبتي و احنا لسه صغيرين اوي يعني 5 او 6 سنين كتاب عجبني شكلو , رجعت البيت وجعت دماغ بابا عشان يجبلي واحد زيوو , قلي طب اسمو ايه ؟ , شكلو ايه ؟ , بيتباع فين ؟ , و لا سؤال رديت عليه . و رغم كده خرج معايا نقلب عليه
تعبت انا و رجعت البيت عشان انام , و فضل باب يقلبلي عالكتاب , و اي كتاب يشبهو يشتريه , و لما صحيت الصبح لقيت الكتاب اللي انا عيزاه وسط كتب كتيره تانيه , عشان بابا منمش الليله دي الا بعد ما لقاه .

* كان عندي وحده صحبتي قمة في الادب و اللطف , كنت بحب استشرها اوي , لحد ما اكتشفت انها منافقه من الدرجه الاولى , و مصاحباني عشان مصلحتها , و كل نصائحها ليا كانت عن غيره لا عن حب و رغبة في الافاده , بس اكتشفتها بعد ما سبت كل الناس اللي انا بحبهم عشانها , و الحمد لله اخدت منها العبره

* استحالة انسى يوم ما رجعت البيت و لقيت ماما و بابا بيتخانقو , و اول ما دخلت خيروني اروح اعيش مع مين فيهم

* يوم ميلاد اخويا الصغير , صلاح الدين , و اد ايه زعلت و عيطت عشان طلع ولد مش بنت , و مش هنسا صوت ماما و هي بتكلمني في التيليفون من المستشفى عشان اجي ازورها و اشوف البيبي الصغير و انا بزعقلها و بقلها استحالة اجي و استحالة اشوفو و مش عايزاه , اديه لاي حد محتاج ليه انا مش محتاجه لصبيان , عيزا بنت , عيزا بنت
كل ما بدكرها بعيط , تصورو مزرتهاش في المستشفى و حتى لما جت البيت قفلت عليا القوضه !