[نور اليقين]

عشان تقدر تكون علاقه ليها اسس متينه , سواء حب او صداقه او مجرد معرفه , لازم تكون شخصية الطرف التاني وضحه قدامك , مش ضروري كلها , بس الجوانب اللي بتهمك في علاقتك بيه عشان تقدر تكون عليه فكره و تحدد هتصنفو في اي خانه .
و عشان يتحقق الشرط ده لازم الصراحه و الصدق , و دول حاتين نادرين جدا , سعات انت مش محتاج ان الواحد يكون صريح عشان تعرف هو مين , و ساعات حتى و هو بيكدب بتقدر تكتشفو على حقيقتو , بس الحالتين دول بيكونو لما المعرفه بتكون بالمباشر
اما عالنت , اللي قدامك بيبني شخصيتو بنفسو , سعات بيلعب دور كان طول عمرو بيتمنى يلعبو
فتلاقيه متلا عامل اميل رومانسي و بيشتغل اللي عليه على انو مجنون ليلى و يمكن لو البنت اللي بتكلمو اسمها مريم يخليها مجنون مريم
و في اميل تاني تلاقيه عاملو اكشن و مشمي نفسو سبيدر مان
و في واحد تاني فاكر نفسو حكيم زمانو و مسميه سقراط
و تلاقي عندو انشطاين و امرؤ القيس و غيرو و غيرو و غيرو
فازاي هتقدر تميز شخصية اللي قدام و تقيمو بجد , ادا كان هو مشتغل على نفسو كويس و دارس الشخصية اللي جي يلعبها عليك , و مجهز امورو كويس جدا .
مش ضروري تكون نيتو وحشة عشان يبقى غشك اوكدب عليك
اللي عالنت عامة بيكونو
يا ناس بتعاني من حاجه و جيا تنساها و تنسى الدنيا بحالها عالنت ده متبنيه افكار غير افكارها و مبادء غير مبدئها ’ سواء كانت صح او غلط , لمجرد انها بتشوف ان ده المتالي عندها .
و المتالي مش متالي ديما , فتلاقي واحد لانو طيب اوي بيشوف ان قسوة القلب و العنف هما المتاليه , فبيتبنا الشخصية دي عالنت مع ان شخصيتو الحقيقه احلا و الناس هتحبها اكتر
يا ناس جيا عشان تلعب و تهيص و تجرب قدراتها في تعليق الناس باوهام لا صحه لها
يا ناس طيبه و على نيتها و بتبقى هي ضحية الناس التانيه
فلما بتحب واحد عالنت , بتحب كلمات اللي كتبها كيبورد و اللي بينها شاشه و اللي نقلها نت
و اللي بعتها اميل او اشتراك , المهم كونت ليه اسم و باسوورد
يوم ما يتوهو الاتنين دول علاقتك بالشخص الوهمي ده هتنتهي
فازاي تربط نفسك بوهم حياتو متعلقه بحاجتين تافهين زي دول , بزوالهم هينتهي الحلم الجميل
و حتى و كان الحب بصدق , ازاي تضمن لنفسك ان اللي انت حبيتو هو اللي انت متخيلو , فرضا انك سمعت صوتو و شوفت صورتو , ده مش كفايا . ياما ناس صورهم احلى ن الحقيقه , و ياما ناس بتستخدم صور غير صورها . و ياما ناس صوتها احلة بكتير عالمايك او عالتيليفون ن الواقع ..........
بس مش دول اللي يخلوك تسيب الناس اللي انت شايفهم و عارفهم و تروح تحب واحد عالنت و تغامر بقلبك معاه
افكارو و اراءو , طريقه كلامو و تعابيرو , اخلاقو و سلوكو , دول اللي لازم تعرفهم و دول مش مجرد كلمات تنكتب , دول حركات , احاسيس , نضرة عين , طريقة وقوف , جلوس , مجموعة حجات طول ماهي مجهوله بتخليك تتخيلها زي ما انت عايز و اكيد هتخيلها حلوه مش وحشه و هتحب واحد انت اللي صنعتو
و في الاخر هتاخد بمبه
و هات يا عياط و هات يا اسف
و ساعتها محدش هينفعك