[نور اليقين]

موضوع حلو اوي و يستحق النقاش
ربنا لما خلقنا خلقنا رجال و نساء
و لما شرع الاسلام كان لينا حصتنا فيه احنا الاتنين , بردو نساء و رجال
لما خرجو للجهاد , خرجو نساء و رجال
و لما اشتغلو عشان لقمة العيش , اشتغلو نساء و رجال
يعني الحياة كلها مبنيه على العنصرين الاتنين دول
لحد هنا الكل موافقني
بس هيكون التعقيب على عدم مساوات الست و الراجل , المساواة اللي الكل بيطالب بيها دلوقتي
ليه يا ترى ؟
الكتير هيردو عليا و هيقلي
خرج رسول الله في أضحى أو فطر إلى المصلى فمرَّ على النساء فقال: "يا معشر النساء، تصدَّقن فإني أُريتكم أكثر أهل النار، فقلن: وبم يا رسول الله؟ قال: تكثرن اللعن وتكفرن العشير، وما رأيت من ناقصات عقل ودين أذهب للب الرجل الحازم من إحداكن.

و هيسكتو مش هيكملو
لو كملو هيلاقو الجواب بتاعهم

قلن: وما نقصان عقلنا وديننا يا رسول الله؟ قال: أليس شهادة المرأة مثل نصف شهادة الرجل؟ قلن: بلى. قال: فذلك من نقصان عقلها. أليس إذا حاضت لم تصل ولم تصم. قلن: بلى. قال. فذلك من نقصان دينها.

لحد هنا اتفقنا انهم نوعا ما سواسيه في اطار محدود
فمدام هما بشر زي بعض و بيقتسمو حجات كتيره مع بعض , ازاي الراجل يحل لنفسو يرفع ايدو على وحدا ست
قبل الكلام من النحيه الدينيه خلينا نتكلم بالعام
عشان شمش لازم الواحد يكون حافض القرأن او على علم بمجموعه من الاحاديت عشان يحرم على نفسو يرفع ايدو في وش وحده ست
الراجل عامة مجموعة اخلاق , الاخلاق دي هي اللي بتخلينا نقول على مجموعة معينة من الرجال انهم و نعم الرجل الصالح , و على مجموعة تانيه و بئس الرجل الطالح
الاخلاق دي بتبتدي باحترام الشخص لنفسو و بتنتهي باحترام الغير ليه في شخص نفسو دي
تقدر تقلي لما الراجل يستحل انو يستعمل قوتو ضد خلق اضعف منو و يتعمل جبروتو عشان يرضي غرورو في اغلب الاحيان ؟ هيتسمى راجل ازاي ؟ و هيحترموه البقيه ازاي ؟ ادا كان هو محترمش نفسو و افترا على غيرو ؟
مش ضروري الست تكون مضلومه عشان يتسمى ضربها افترا
في اغلب الاحيان رجالة كتار بيحتمو في اية كريمه

الآية 34 من سورة النساء لدى المفسّرين

"الرجال قوّامون على النساء بما فضّل الله بعضهم على بعض، وبما انفقوا من أموالهم، فالصالحات فاتنات، حافظات للغيب بما حفظ اللّه، واللاّتي تخافون نشوزهن فعظوهنّ واهجروهنّ في المضاجع واضربوهنّ.

تعالو نشوف العلماء فسرو الاية دي ازاي

الطبري بيقول
واضربوهنّ يعني بذلك جلّ ثناؤه فعظوهنّ أيها الرجال في نشوزهنّ فإن أبين الإياب الى ما يلزمهنّ لكم فشدّوهن، واضربوهن ليؤبن الى الواجب عليهنّ من طاعة الله في اللازم لهنّ من حقوقكم

ابن كتير يقول
الضرب المقبول عنده هو الدي لم يَكسر فيها عضوا ولا يؤثر فيها شيئا

الآلوسي يقول
الضرب غير المبرح هو الذي "لا يقطع لحما ولا يكسر عظما

وأجمع المفسّرون والفقهاء قديما على جواز الضرب، وصنّفوه الى أنواع حسب مقاييس لا تخضع للواقع، وتحط من كرامة المرأة.

طب انتو ممكن تقولولي ان كلامي متناقض , ازاي بقول ان الراجل المحترم بيبني احترام الناس ليه باحترامو لالست و عدم مد ايدو عليها , و بعدين باجي و بقول ان فيه اية فهمت غلطت و بعد ده كلو بقول ان العلماء احلو الضرب ده ؟
يعني تناقض غريب
بس لازم الاشاره ان الضرب ده لو في حدود ربنا اللي هي
* لا يقطع لحما و لا يكسر عضما
* لا يكسر فيها عضوا و لا يؤتر فيها شيئا
بس ضرب زمان مش ضرب الايام دي
يعني زمان لو الراجل ركبو ميت عفريت كان يمسك شبشب * اللي هو البلغه * و يديها ضربة ضربتين فيقوم عنها
دلوقتي انتي امك دعيالك لو جه على دماغك طرابيزه وحده و لا كرسي واحد و بس , دلوقتي فيه عصايا من حديد فيه دم لالركب , و بدون الدم ده و الصويت اللي يجيب لاخر الشارع متتسميش اكلتي علقه
دلوقتي فيه حاجه اسمها * لو انا راجل اصبح و امسي على مراتي او اختي بعلقه قبل الفطور و بعد العشا و اسمع الجيران صويتها عشان يعرفو اني جامد *
دلوقتي فيه ستات بتنقتل من ورا الضرب ده
دلوقتي فيه قضايا بتترفع بسبب الضرب ده
دلوقتي فيه تار بيتولد بسبب الضرب ده
و دلوقتي غير زمان
و ضرب دلوقتي غير ضرب زمان
و ضرب دلوقتي مرفوض من الناحية الانسانية قبل ما يترفض من اي ناحية تانية
يعني في الاخر الست بشر , و البشر ليه عقل , و لو ربنا كان عايزنا نسمع الكلام و نفهمو بالضرب مكنش ادانا العقل و ميزنا بيه
دلوقتي فيه ستات بتاكل علقه عشان ينعدل حالها , و عمر انعدال الحال مكان بييجي بالعنف , عشان العنف بيولد عنف و نشوفيه راس و ميلان حال مش انعدالو
و ربنا بحكمتو حرم ضرب الراجل لالست لو اخدناه بالمفهوم الحالي او العصري بتاعنا , و حللو لو اخدناه بالمفهوم بتاع زمان و اللي هو المفهوم اللي جه في القران و اللي جه على لسان الرسول عليه الصلاة و السلام
و غير كده انا عن نفسي , بعرف ناس كتير دخلو السجن بس عشان ادو مراتهم قلم
و ناس كتير خسرو كل معارفهم لمجرد ان ستاتهم خرجو عنهم اشاعة ضرب ليهم
فالحمد لله فيه ناس وعيه
و انا عن نفسي بردو يوم ما راجل يفكر يمد ايدو عليا , و بصراحه يعني , همد ايدي عليه
عشان اللي يحلل حاجه محرمه عليه , ربنا بيحللك الرد عليه و لو بحاجه عيب مش محرمه عشان ده هيتسمى دفاع عن النفس و عمر الدفاع عن النفس ما كان حرام
و الحمد لله فيه دلوقتي بنات كتيره وعيت بالنقطه دي و فيه صالات كراتيه و فنون قتاليه لالدفاع عن النفس