[رورو]

في أسئلة بديهية ما إلها اي لازم بهالدنيا

بنتعرّض إلها كل يوم من كل الناس


خلـونـــا نشــوف أمثلة





***********


إنت في غرفتك .. على السرير وطافي الضو ومتغطي
ييجي أخوك الظريف ويفتح الباب عليك ويقول : شو يابو شريك بدك تنام ولا شووو ؟

((أظن هاد مو وضع الرقص !!! واضح ان انا بدي انخمد))



***********


انتو معزومين عند ناس ورحتو لبيتهم وأول ما فتحولكوم الباب بيقول ابنهم الصغير: انتوا اجيتــواااااااااااااااا ؟

(( لا لسه نحنا عالطريق))



***********


والعكس : انت لابس اواعيك و متطقم و على اخر موضة وريحة الهريرا واصله لاخر الشارع .. وخلص بتفتح باب البيت وبيجي حدا من أهلك وينادي بصوت عالي : انت طالع ولاّ شووووووووو؟؟؟

(( لاء انا لسه راجع ... قطيعه تقطع اليهود - والهنود - ))


***********


ولاّ تعالــو شوفو قنواتنا واسئلتهم البديهية البايخة
برنامج اهداءات يتصل واحد يطلب أغنيه
ترد عليه ست الكتكوته (المذيعة) بكل خفه ورشاقة : إنتا بتحب الاغنيّة هي ولا شو ؟

(( لاء .. طالبها انكد على حالي ))




***********


أو مثلا بالعيد

المذيع : هههههه هههههههه هههههه نتعرّف عليك؟


المواطن : فلان الفلاني


المذيع :هههههه هههههه هههههه شو بتحب تقول للأهل ههه و صحابك ههه وقرايبينك هههه و للناس اللي معك ومعهم كمان ؟ هههههه هههههه ههههههه


المواطن : أقلهم كل عام وأنتم بخير



(( أكيد يعني ما رح يقول البقاء لله والعمر إلكم والله يجعلها خاتمة الأحزان))



***********


والأسخف شي ... الشلل الكبير .. لما المذيعين بيحكوا مع الاطفال
يقول المذيع للطفل : إنت بتحب ماما وبابا ؟

(( يعني طبيعي الولد لسه ما طلعلو عرق الندالة حتى يقول لأ ))