[أبو نعيم]

المشاركة الأصلية كتبت بواسطة مؤيد حماس
واقع سياسي يصعب على أمثالكم فهمه ، طيب يا عمي ممكن تقول لنا يعني شو مؤهلاتك لتفهم في السياسة وتنصح حركة حماس العملاقة بكم من نصيحة من عندك .

شوف يا أخي نحن مختلفون عنكم وعن طريقة سياساتكم ، حماس مختلفة عن فتح ولا تشابه بينهما ، أما إذا كنت تعني فتح خبيرة في السياسة ولها تجربة 40 سنة من السلطة ،، فحماس ليست بحاجة لخبرتكم التي أوصلت الشعب الفلسطيني اليوم إلى تبعية كاملة للسياسة والاقتصاد الإسرائيلي ، وليست حماس بحاجة لتتعلم منكم فنون الاتفاقيات الظالمة بحق فلسطين وشعبها والتي وقعتموها مع الاحتلال ، وخلينا نكون واقعيين ، انتم تنازلتم عن كتير ، لكن بالمقابل ما هي نتيجة هذا التنازل تلو التنازل ؟؟؟؟؟
إذن فسياستكم فاشلة ، مع احترامي لتجربتكم طيلة 40 سنة ، لكنها أثبتت للشعب أن الطريق السلمي هو فاشل جدا ً .

وبالنسبة لموضوع قيادة حماس ، أنا مش عضو في حماس ولا في أي فصيل ، ولا تتحدث معي كأني حمساوي وعضو في حماس . أنا أعبر عن رأيي كمواطن فلسطيني عادي .

والنقطة الثالثة 3 : أولا ً بحب أقلك حرام الكذب ، شو من وين جبت 200 مدير مرة وحدة ، يا زلمة هي حماس لحقت تستلم الحكومة عشان توظف ، بعدين يا أخي أنا بتهمك بالكذب ، اسمحلي ، مالم تصع لنا أدلة حقيقية وغير ملفقة عن هذه التعيينات الـ 200 شخص مدير ، ههههههههههه

بعدين شو المشكلة إذا الحكومة عينت الأمناء ، شو فيها لو وظفت ناس جداد مستعدين يخدموا وطنهم بلا رواتب ، وشو فيها لو الحكومة وظفت ناس من حماس ، بالعكس راح نكون مبسوطين ، ومش عيب أصلا ً ، ليش يعني الشعب انتخب حماس عشان شو ؟؟؟ .... عشان يحلو محل الفاسدين السابقين ، وكل الفاسدين والحرامية والخون يطيروا بره ....ولا كيف بدو يكون إصلاح وتغيير والفاسدين محلهم ما حد طيرهم .

وبعيدين بحب أقلك ، ترجع للماضي سنوات بسيطة ، وتشوف المؤسسات الفلسطينية كيف كان كل الموظفين هم محسوبين على فتح 100% ، وما في حد من حماس ولا حد من الجبهة ولا حد من الجهاد ولا من غيرهم ........... ممكن تفسر لي .

وأنا بتحداك إذا بتجيب دليل على إنو الحكومة الجديدة طردت واحد فتحاوي من وظيفته مالم يثبت عليه فساد ... والحكومة وعدت ما تطرد أي موظف بسبب إنو من فتح ، إلا إذا ثبت عليه قضية اختلاس أو فساد وما إلى ذلك .

وبما انك تدعي تحدثك عن الواقع ، فأنا أيضا ً أتحدث عن صلب الواقع .

وأنا بتمنى ما أكون زعلت حد من كلامي ، بس أنا من حقي كمان أدافع عن حكومة الشعب الفلسطيني وعن الشرفاء في هذا الوطن بغض النظر عن توجهاته السياسية .


وسامحني يا أبو نعيم ، بس أنا مضطر أدافع

وبحب أفرجيك أدلة على كيف كانت حكومة فتح تتعامل مع كل حمساوي يريد أن يتوظف في المؤسسات الفلسطينية ، هذه وثائق وأدلة رسمية تبين ذلك ، وليس فيها أي مسبة لفتح ، حتى تشوف بعينك وتعرف الحقيقة يا أخي أبو نعيم :

والله لو أنت متايع للمنتدى وتقرأ المواضيع لو ما حكيت هدا الحكي :

أولاً : لو كنت قرأت بطاقة التعارف التي كتبتها في بداية تسجيل الاشتراك بالمنتدى لكنت فهمت شو مؤهلاتي . بس الشئ الذي لم أكتيه أنني ادرس الماجستير بالعلوم الساسية وأنني موظف سياسي بالسلطة الفلسطينية مع أنني لست من حركة فتح .

ثانياً أوصلت الشعب الفلسطيني لتيعية كاملة للاقتصاد الاسرائيلي . شو أنت ما بتعرف شو معنى الحكم الذاتى . أنت لست في دولة مستقلة ثم أن هناك دول مستقلة وتعتمد بإقتصادها على التبعية للغرب مع الاسف طبعاً .

ثالثاً أرجع لسنوات الماضي لا يا أخي كلامك غير صحيح أنا أكبر مثال موظف سياسي بالسلطة ولست من حركة فتح ، ياسر عبد ربه من كبار السلطة ليس من حركة فتح .
يجب عليك ان تكون منطقي ولا تقول 100% نسبة الموظفين من حركة فتح ولكن هناك نسية كبيرة من حركة فتح ولكن ليس 100% .

ثم قصة التوظيف من حركة حماس ما كان لازم تجيب ادلة وثائق لأني بعرف هدا الحكي ، وأقول لك لأنه من حق حركة حماس أن توظف لأنها من الشعب الفلسطيني وأنا أعارض قصة التوظيف حسب الانتماء السياسي .

أخوك ابو نعيم