[ابو الفوز]

السلام عليكم ورحمة الله وبركاتة,,

كيفكم يا اخواني؟

ان شاء الله بالف خير

اشتقتلكم اكثير اكثير والله

بس للضرورة احكام امثل ما بكولو

وانا امثل ما بتعرفو طلعت من المنتدى

ابس بالصدفة قلت ابدي ادخل واشوف اشو اخباركم طبعا بزائر

ودخلت على الموضوع تخيلت انه رح يكون غير غير غير!!

بس تفاجأت جدا جدا جدا !!!!

وقلت ابصرش يا ابو الفوز لازم تكتب رد اه اولله اقلت لازم تكتب رد

وبعدين تطلع

ييييي علينا اشوو هاظ انا جاي وبالع راديو اكمان

المهم المهم

انا حبيت اكتب رد وهو :

صراحة انا تفاجأت مثل ما حكيت جداااااااا

مالك يا محمود !!..انا بيد احكي الصراحة

بس قرأت اجوبتك انصدمت وتفجأت كثييير

معكوول اهاظ انت يا محمود






لا يروح فكركم لبيعد يا اولادي

انا تفاجأت من ردود محمود انه ما كتب اشي غلط!

بعدو اصيل وابن اصووول

ما شاء الله ..الله يحفظك ويوفقك

ينابيع من الثقافة..ابداع بالردود .. سرد الاجوبة بطريقة حكيمة جدا

المهم.. انا قرأت الاسئلة وبالاضافة الى ذلك الاجوبة

وكان طبعا هاد رأيي..بس لما وصلت الصفحات الاخيرة

بالصراحة شفت في ردود غريبة واشياء صايرة غريبة لذلك قررت انه اشوف شو الموضوع

والسؤال الذي يطرح نفسه ::

لماذا الغضب؟؟واخذ الموقف من محمود..

هل لأنه لم يذكر بعض الاسماء؟!

طيب تعالو اقلكم شي

نسرينا..برج العرب -شهد الحياة .. ريما ..ووو

الله يحفظكن يا بناتي ..انتن نوارات المنتدى

محمود مثل اخوكن الصغير او الكبير (ابعرفش اعماركن )

واذا ما ذكر اسمائكن فصدقني قيمة الشخص ليست بكتابة اسمه

والله اعلم يمكن انتن قيمتكن كثير كثير كبيرة مثل خواتو لمحمود

الله يخليكن ما بدنا زعل

واذا كان ذلك سبب حساسية عندكن..فمعكن حق

يعني اولله اذا انا امحدا بذكرني وانا بحترمو اكثير ابزعل

ابس برضو بتفهمو..( اكال يعني )

خلينا اخوه مترابطين :)

والمسامح كريم.. وانا بعرفكن كريمات وبنات كرم الله يوفقكن

واولله اذا طلعتن من المنتدى انا جايلكين اكيد

بارك الله فيكم يا اولاد ويا بناتي

الله يوفقكم

ولا تنسوا ان تتقوا الله بكل كلمة..

وان خلافات الاخوه ليست الا خلافات تكاد لا تذكر

وان مع ذلك سنعود كما كنا..

ولا تنسوا المنتدى..قضيتنا بتهمنا كلنا

وحياكم الله طولت اكثير اكثير عليكم بالحكي

بارك الله فيكم

اخوكم ابو فوزي

والى اللقاء