[مستحيل أنساك]

وعليكم السلام ورحمة الله وبركاته

أول شي مشكورة على الموضوع

انا عن نفسي قبل ما اعرف انه الشخص اللي قدامي مدير المنتدى او مشرف عام او مراقب عام أو مشرف

بحب أعرف شخصية هالإنسان شو هية

لأنه أولاً وأخير هو بشر متلي متله بس الفرق اللي بينا انه هو خلينا نقول ماسك منصب في المنتدى أو صاحب الموقع

ومش معناته اني أخاف منه أو أحبه غصب أو انافق لمجرد انه صاحب الموقع

في ناس أصحاب منتديات بتحسيهم فيهم تكبر لو منتداهم مشهور او فيه أعضاء كتير

وبتلاقي الأعضاء في هالمنتدى نصهم منافقين وبمدحوا صاحب الموقع في حضوره وفي غيابه ما بخلوا كلمة ما منيحة الا وبحكوها عنه والعياذ بالله نفاق عيني عينك

طيب ليش هيك هل هو خوف انه يسحب العضوية منك لو قلت رأيك فيه بكل بصراحة مثلاً

خليه يسحبها في الف منتدى غيره

وأنا عن نفسي لو شفت أي اساءة من محمود أو المشرف العام أو غيره من المشرفين

ما بسكت وبقوله في وجهه والله انت هيك وهيك وهيك

حب انتقادي حبه ولو ما حبه هو حر ويعمل اللي يعمله

ولا اني اقعد امدح فيه وانفخ فيه على الفاضي

و الحين بدي أقول رأيي في محمود ومن دون اي مجاملة أو نفاق أو ما شابه

أول شي حاب أحكي من وين عرفت هالمنتدى

انا عرفته عن طريق عضو عندكم هون وهو معروف وقديم نوعاً ما

وكان دايماً يحكيلي عن محمود وكيف هو متواضع ومحترم وكان يحكيلي عن بعض المشرفين وبعض الأعضاء

وقبل ما اسجل كنت أقرأ مواضيع وردود محمود والمشرفين والأعضاء وعرفت بل تأكدت انهم كلهم محترمين وخلوقين

واللي شدني للتسجيل في هالمنتدى انه الادارة فيها كتير محترمة

والاعضاء في هالمنتدى بحسهم أهلي وانا مش غريب بينهم

ولحد الحين ما شفت ولا عضو سئ وكلهم طيبين ومحترمين جداً جداً

وبكل صراحة أنا ما عمري ارتحت في منتدى أكتر من منتداكم

ويا محمود أنا لو شفت منك أي اساءة رح احكيلك

والحمد لله انت انسان محترم وخلوق وحبوب وغير متعالي وانت انسان واضح وصريح وهادا الشي هو اللي خلق المحبة والمودة بين الأعضاء

وبكل صراحة انا ما شفت مدير منتدى من قبل بأدبك وأخلاقك الرفيعة وحبك للجميع وخوفك عليهم أكتر من حالك

والله يوفقك ويوفق كل الأعضاء ويخليكم يا رب

وعلى فكرة أنا اسمي محمود متلك يا شريك ههههههههههههههههه

وأسف على الاطالة
وأسف لو في أي شي بيجرح في كلامي


سلاااام