[ابن الانتفاضة]

ملكة الرومانسية
فلسطيني الدم
شهيد
هيلن
امين
وليف الدمعة
مشكورين جدا للمرور الكريم

ثم اني مش ضد الحب والمشاعر المكنونه ، اللي احيانا نكبتها اكتر كرمال الشيء الاعز والاغلى علينا جميعا ، هو الوطن المكبوت اكتر من اي شخص فينا ، وكرمال الاوضاع الصعبة والمرحلة الحرجة جدا اللي بيمر شعبنا فيها ، اللي يا ريت يكون النا موقف منها .

اولا يا اخت ملكة الرومانسية انت عم تحكي بوضع الرومانسية المفقودة ، والحب التائه بزمن اللانسانية ،
اما عن قصائد الوطن فانا بعرف اللي نزلوها وكلها كم وحده ، لكن بالمقارنة مع ما شاالله كتاباتكم المنتشرة بكثافة لم يكن لها مجال ، ثم انو قوانين المنتدى تمنع مثل هكذا قصائد ، وانت فاهمه قصدي وغيرك كمان ، واذا بتحبي بجيبلك مقاطع من قصائد ، بس مش مشكلة هون .

حكيتي عن عمالقة الشعراء والادباء وانا كمان بحكيلك عنهم ، وبدي اعددلك عمالقة الشعر العربي الحديث ،
نزار قباني ، كتب عن الحب وبنفس الوقت كتب الكثير الكثير عن وطنه وعن بقية الاوطان العربية الخاضعة للاحتلال ، احمد مطر ... شوفيلي كتاباته واحكيلي رايك ، وشوفيلي بالله عليكي قصائد الحب والغزل اللي عندو ؟؟؟ ما اظن رح تكون موجوده ، ابراهيم طوقان ... فدوى طوقان ، احمد شوقي ، والله مش عارف قديش بدي اعددلك شعراء كبار وعمالقة ، فيا ريت يكونو بجد عبرة بما انك اخترتيهم عبرة !!