[نهال]

السلام عليكم
انا حابة اطرح عليكم موضوع للنقاش
وهو انه:
لماذا عندما نشعر ان الفرصة بدأت تذهب من يدينا نعمل بجد وعندما تكون ما تزال بين يدينا ننام ولا نعمل لها؟
وانا قصدي من ها السؤال
اننا في حياتنا بصفة عامة لما بتكون في ايدينا الفرص ما بنشتغل مظبوط ولما تبدأ ها الفرصة تروح
يبدأ الشغل الجد
زي مثلا الدراسة:
بيكون قدامنا فرصة كبيرة طول العام لحتى ندرس فيها بجد
بس مع الاسف ما بندرس منيح او بنأجل الدراسة لفترة طويلة
لكن ساعة ما الامتحانات ما بتكون على الابواب والفرصة تبدأ تروح نقوم ندرس بجد ونسهر اللليل
ونتعب كتير لانه الايام صارت قليلة.

وانا مش قصدي الكل
بس الاغلبية بيعملوا هيك
فهل انت يا اخي اختي من هؤلاء الناس ام لا
وما رايك بهذا الامر

انا بالنسبة الي
بصراحة انا ما بنكر اني من الناس اللي بيعملو بجد ساعة الفرصة ما تروح
بس مش عارفة شو الحل
لحتى ما اكون هيك
تحياتي لكم