لا يا قلــــــــــــــــــبى
لا ياقلبى اوعاك يبان عليك الخوف
مهما تكون صعبة الظروف
ومهما تقاسى ومهما تشوف
هتكمل انا وانت ياقلبى هنكمل
ولاخر طريقنا نحاول نتحمل
ربك اكيد حاسس بيك
بكل الجرح اللى مليك
مش هتلاقى غيره يداويك
بس انت قول يارب هون
على كل جراحى اللى بتتلون
ربك عمره ماهينساك
ولا عمره هينسى اساك
اكيد هيطيب جرحك
وقريب هيقرب فرحك
واكيد حاسس بنارك
وانك بعيد عن دارك
وعارف انك متغرب
وفى غربتك دايق مرارك
ربك حاسس بدموعك
والالم واللى بيزيد وجوعك
اكيد عارف ان الفراق تاعبك
وانك بعيد عن اللى بيحبك
بكره لدارك هتعود
وفرحك ياقلبى موجود
مهما طريقك كان مسدود
ماتخفش ده ربك موجود
بكره اكيد جاى احلى
وايامك ياقلبى هتحلى
|