رد: نقاش بين الشباب والبنات
منيح اكتير
لكن برضو الشب عندو نظرة بالنسبة للبنت
يعني اذا الشب كان على نياته بيحب البنت تكون على نياتها اكتر
و اذا الشب ناوي يستقر، بيدور على بنت على قد الاستقرار
و اذا الشب محترم حيضل محترم الا اذا البنت زهقتو و قرفتو و هزأتو
و اذا الشب متعلم و موظف ، ما اظن انو ينزل يشتغل بالباطون اذا لا سمح الله خسر وظيفتو
يعني البنت ما تركز اكتير على كلمة على قد حالو و بيرتكن عليه
و اذا الشب على قد حالو، يمكن يحكي لمرتو حتحتيلنا كرشات
و اذا مرتو ما رضيت يمكن يطلع وقتها بجد زلمي و يحكيلها انتي طالق
واذا الشب بسيط ، يمكن يتأخر بالزواج
و اذا الشب فقير الله يرحم الزواج ساعيتها
المهم انا بنظري انو البنت لازم ما تهتم لهاد الامور
اهم شيء في البنت ، خاصة الايام يلي بنعيشها هاد
تكون ملتزمة كتير عشان تلاقي ابن الحلال
لان اولاد الحلال قلال بصراحة
و انا بكره البنت يلي بتنظر للكماليات
و بصراحة بتسقط من عيني
اهم شيء تكون البنت محترمة خلوقة بتساعد امها بتعرف تشتغل بالبيت و بتطبخ كل الطبخ
خاصة الكرشات
لانو اذا اجا على بالي كرشات
و ما عرفت تعمل بدي اقيملها طوشة ساعيتها و احردها لبيت اهلها لتتعلم كيف الكرشات بيتعملو
و بصراحة دايما الشب بيفضل البنت الخام
كيف يعني ؟ يعني يلي ما بتكون اكتير بتعرف بالحياة
عشان يضيف الشب لمساته الاخيرة على معلمومات البنت
و يحس انو اله تاثير و انه عرف يعلم
انا بفضل البنت يلي بتكون اقل معرفة بامور الحياة من الشب
لانو اذا البنت بتعرف اكتير اشياء بالحياة معناها الشب رح يعاني من كترة الكلام في البيت
و انا بحب البنت يلي بتقول متل ما بدك يعني مش بكل شيء بتدخل
و يا سلام على البنت الحزقة النشيطة القوية
مش بنت تضل تترمى هون و هون و دايخة و واوا و طبيب و اسعاف و زهقت بدي اطلع
البنت المثالية لازم تكون زقفة و خفيفة دم و حريصة و حبوبة و نشيطة و نظيفة مش تضل ريحة التوم على ايدها
كمان انا بحب البنت تكون شغيلة بالبيت مش كسولة و 24 ساعة على التلفزيون و النت
اوهوووووووووو عاد
انا ليش مغلب حالي
باختصار
الله يعين البنت يلي رح اوخذها
لاني انا عصبي و بحب امشي يلي براسي و بعمل طوشة اذا حد اتدخل بخصوصياتي
هو صحيح انا هادي لكن يا ويلها يللي بتوقع تحت ايدي
ههههههههههههه
احم احم مش يا ويلها يا ويلها يعني نص يا ويلها ولا احكيلكم ماياويلهاش
|