[حسام المصرى]

يااااااااه .. حكايتى مع اللحية :)

بصراحة أنا كنت شاب ضايع جدا .. فى كل شئ .. بس الحمد لله كنت متفوق بدراستى

بس كنت بسمع أغانى .. مثلا .. أفلام .. الخ أى حاجة الشباب بتاع الأيام دى بيعملها ..

وكنت عايش ..

بصراحة حصلت فى حياتى تغيرات فى استقرار العواطف دمرتنى .. وأنا بطبعى حساس .. حسيت أن أى حاجة فى الدنيا ملهاش لزمة .. ~

حاولت كتير أوى ألتزم .. معرفتش

برغم أنى كنت قاعد مع أخوة منتهى الاحترام كانوا ملتحيين ومنهم من يحفظ الكثير من كتاب الله .. وبجد كنت مستمتع وبستفيد منهم جدا .. ياما اتكلمنا عن الالتزام واللحية .. وكنت بكير .. بقول يعنى اللحية دى ممكن تغيرنى .. وكنت برده بستغرب .. المنتقبات اللى بيحكوا للبنات انتقبوا .. ليه يعنى كده .. ؟؟

مكنتش أعرف أن الحجات دى مهمة جدا للبنت وللشب

الشاب لما يربى لحيته ..والله بيستفيد كتير .. هيغض بصره ومش هيمع أغانى وهيكره المعصية فى الشارع والناس هتحبه وربنا هيديله هيبة ووقار .. ويوفقه .. لأنه ماشى بهيئة النبى ..

والبنت كذلك

ايه المتعة يعنى .. لما البنت تقف أدام المرايا وهى نازلة الكلية .. أو مثلا رايحة فرح .. ونفسها بقى تنزلى جميلة أوى .. طبعا جميلة فى عيون الناس .. لكن فى عيون ربنا لا .. لزمتها ايه .. أنك تبانى جميلة فى عيون البشر .. أنتى مش سلعة يا أختى .. بعدين النقاب ده لبس عائشة وأمهات المؤمنين .. أظن شئ بسيط أننا نتبع السنة دى ..


وعلى فكرة الشاب اللى بيلتحى والأخت اللى بتنتقب .. والله هيحس براحة وحلاوة ايمان كبيرة جدا .. عمره ما هيحسها

بلاش نقول .. أغير نفسى الأول بعدين أطبق سنة النبى ..

صدقنى هتتعب

السنة دى هتحفظك جدا .. وبعدين مش انت عايز تلتزم .. ابتدى يللا .. ~


الحمد لله قررت ألتحى اول يوم فى رمضان 2012 .. ولحد انهارده محلقتش .. وبفضل الله حجات كتير فى حياتى اتغيرت .. نظرتى للحياة نفسها اتغيرت ..~


وللأسف الشديد اليوم 18/11/2012 .. سأكون مضطرا لحلقها من أجل أداء الخدمة العسكرية

والله كتير مضايق .. مش عارف ايه هيحصل لما أحلقها

حسبى الله ونعم الوكيل

السنة شئ جميل جدا .. لو مفيش حاجة تقدر تمنعك .. ياريت تلتزم بالسنة .. ومتقولش يا عم دى سنة