رد: ღ جَلسة العــ،،ــيد // ~
طلعنا قبل المغرب بنص ساعة ,,
وصلنا البيت ع أدان العشا ,, لسة بندخل العمارة ولا ناس جايين عنا بصفو السيارة وركيض انا وأختي ع البيت
القعدة عنا منفصل رجال لحال ونسوان لحال
الصالة مرتبة ومية المية ,, المشكلة بالغرفة الي جوا الي حيعدو فيها النسوان :\\
متل الصاروخ رحنا ضبضبناها ,, وأخوي كان كاوي قبل لنطلع وطاولة المكوة بنص الغرفة وشناتيهم ع أساس اليوم درسوا شوي ,,
وع المطبخ رحت ولعت فحم للبخور ,,
وحطي القهوة ع النار ورتبي طاولة التحلاية ,,
الحمدلله بابا أخد الرجال وراحو المسجد يصلو
فقعدناهم شوية بالصالة عبين ما رجعو الرجال من الصلاة وكنت خلصت الغرفة ,,
رجعو من الصلاة ولا اجو ناس تانيين
هي أول يوم يجونا ضيوف من اول يوم العيد
واول يوم أحس بالعيد واول يوم أطلع :d
كلو اجى سوا ^^
الحمدلله دائماً وأبداً :")
|